හෙට (02 දා) හම්බන්තොට මහින්ද රාජපක්ෂ ක්‍රීඩාංගණයේදී ආරම්භ වන ශ්‍රී ලංකාව සහ ඇෆ්ගනිස්තානය අතර එක්දින තරගාවලියේ තරග තීරකවරයා ලෙසින් ප්‍රවීන තරග තීරක රංජන් මඩුගල්ලේ මහතා කටයුතු කරනු ඇත.
තරග 3 කින් සමන්විත මෙම තරගාවලියේදී තරග විනිසුරුකරණය සදහා අන්තර්ජාතික ක්‍රිකට් කවුන්සිල උත්තරීතර විනිසුරු මණ්ඩලය (ICC Elite) නියෝජනය කරමින් මයිකල් ගෆ් සහ නිටින් මෙනන් මහත්වරුන් කටයුතු කරති.
ඊට අමතරව අන්තර්ජාතික ක්‍රිකට් කවුන්සිලයේ ශ්‍රී ලාංකික විනිසුරුවරුන් ව රුචිර පල්ලියගුරුගේ, ලින්ඩන් හෑනිබල් සහ ප්‍රගීත් රඹුක්වැල්ල යන මහත්වරුද තරගාවලියේ විනිසුරුවෝ ලෙස කටයුතු කරති.
තරග තීරක – රංජන් මඩුගල්ලේ මහතා
තරග විනිසුරුවරුන් – මයිකල් ගෆ්, නිටින් මෙනන්, රුචිර පල්ලියගුරුගේ, ලින්ඩන් හැනිබල්, ප්‍රගීත් රඹුක්වැල්ල.
