slc
logo
Home   |    News
ජූනි 19, 2023
වර්ෂා බාධක මැද කාන්තා ‘ඒ‘ පිලේ අවසන් පූර්ව සටන අතිරේක දිනයට

sinhala editor

ජාත්‍යන්තර ක්‍රිකට් කවුන්සිලය හා ආසියානු ක්‍රිකට් කවුන්සිලය එක්ව සංවිධානය කරන නැගී එන කාන්තා ආසියානු කුසලාන විස්සයි 20 තරගාවලියට එක්වූ ශ්‍රී ලංකා කාන්තා ‘ඒ‘ කණ්ඩායම හා ඉන්දීය කාන්තා ‘ඒ‘ කණ්ඩායම අතර අද (19) පැවැත්වීමට තිබූ අවසන් පූර්ව තරගය වර්ෂාව හේතුවෙන් අතිරේක දිනය වූ හෙට දිනයට කල් දැමීමට සංවිධායකයෝ පියවර ගත්හ. ඒ අනුව ශ්‍රී ලංකා කාන්තා ‘ඒ‘ කණ්ඩායම හා ඉන්දීය කාන්තා ‘ඒ‘ කණ්ඩායම අතර අවසන් පූර්ව තරගය හොංකොං හී කොව්ලූන් මිෂන් රෝඩ් ක්‍රීඩා පිටියේ දී හෙට (20) පැවැත්වීමට නියමිතය.

අද පැවැත්වීමට නියමිතව තිබූ දෙවැනි අවසන් පූර්ව තරගය වූ බංග්ලාදේශ ‘ඒ‘ කණ්ඩායම හා පාකිස්තාන ‘ඒ‘ කණ්ඩායම අතර තරගය ද වර්ෂාව හේතුවෙන් පැවැත්වීමට නොහැකිවූ අතර, එම තරගයද හෙට (20) පැවැත්වීමට කටයුතු සූදානම් කොට තිබේ.

මෙම අවසන් පූර්ව තරග දෙකෙන් ජය ගන්නා කණ්ඩායම් දෙක 21 වැනිදා හොංකොං හී කොව්ලූන් මිෂන් රෝඩ් ක්‍රීඩා පිටියේ දී අවසන් මහා තරගයේදී මුණ ගැසෙනු ඇත.

මූලික වටයේදී ශ්‍රී ලංකාව හා මැලේසියා අතර තරගයත්, බංග්ලාදේශය හා එක්සත් අරාබි එමීර් රාජ්‍ය අතර තරගයත් විසදුමකින් තොරවීම හේතුවෙන් සියලුම කණ්ඩායම්වලට එක් ලකුණ බැගින් ප්‍රදානයවී මූලික වටය නිමාවට පත්විය. එහිදී ශ්‍රී ලංකා කාන්තා ‘ඒ‘ කණ්ඩායම හා බංග්ලාදේශය ඉදිරියෙන් සිටියහ. තරගාවලියේ දල ලකුණු ලබා ගැනීමේ වේගය අනුව බංග්ලාදේශය 4.850ක් ලබා සිටින අතර, ශ්‍රී ලංකා කාන්තා ‘ඒ‘ කණ්ඩායම දල ලකුණු ලබා ගැනීමේ වේගය 0.090ක් ලෙස රඳවාගෙන සිටී. එම කාණ්ඩයේ සිටි එක්සත් අරාබි එමීර් රාජ්‍ය ප්‍රසාද ලකුණු 3ක් හා මැලේසියාව ප්‍රසාද ලකුණක් ලබාගත් හෙයින් තරගාවලියෙන් ඉවතට ගියහ.

ශ්‍රී ලංකාව සහභාගී වූ පළමු තරගයෙන් එක්සත් අරාබි එමීර් රාජ්‍ය පිල පරාජයට පත්කළ අතර, බංග්ලාදේශ ‘ඒ‘ හා මැලේසියාව සමග පැවැති දෙවැනි හා තෙවැනි තරග දෙකම වර්ෂාවට සේදී ගොස් එක් ප්‍රසාද ලකුණ බැගින් පිරිනැමුණි.

‘ඒ‘ කාණ්ඩයේ මූලික වටයේදී හොංකොං හා නේපාලය අතර තරගය, ඉන්දියාව හා පාකිස්තානය අතර තරගය ද වර්ෂාව හේතුවෙන් පැවැත්වීමට නොහැකි විය. එම කාණ්ඩයේ ඉන්දීය ‘ඒ‘ කණ්ඩායම ලකුණු 4ක් ලබා දල ලකුණු ලකුණු ලබා ගැනීමේ වේගය 5. 425කින් පෙරමුණේ පසුවූ අතර, පාකිස්තානය ද ලකුණු 4ක් ලබා දළ ලකුණු වේගය 0. 450කින් දෙවැනි තැනට පත් විය. නේපාලය හා හොංකොං තෙවැනි හා සිවුවැනි ස්ථාන ලැබීම හේතුවෙන් තරගාවලියෙන් ඉවතට ගියහ.

මෙම තරගාවලියට ශ්‍රී ලංකාව, ඉන්දියාව, බංග්ලාදේශය, පාකිස්තානය, මැලේසියාව, නේපාලය, එක්සත් අරාබි එමීර් රාජ්‍ය හා සත්කාරක හොංකොං යන රටවල් සහභාගී වේ. ‘ඒ‘ හා ‘බී‘ ලෙස කාණ්ඩ දෙකක් යටතේ තරගාවලිය සංවිධානය කොට ඇති අතර, බංග්ලාදේශ ‘ඒ‘, මැලේසියාව, එක්සත් අරාබි එමීර් රාජ්‍ය යන කණ්ඩායම් ශ්‍රී ලංකා ‘ඒ‘ සමග ‘බී‘ කාණ්ඩයෙන් තරග වදිති. ශ්‍රී ලංකා ‘ඒ‘ පිලේ නායකත්වය සත්‍යා සංදීපනීට පැවැරී ඇති අතර, උප නායිකාව ලෙස මල්ෂා ශෙහානී නම්කොට ඇත.

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

USD United States (US) dollar