slc
logo
Home   |    News
ජූලි 4, 2023
කාන්තා කණ්ඩායමේ නව සහාය පුහුණුකරු තනතුර තරිඳු පෙ‌රේරාට

sinhala editor

ශ්‍රී ලංකා කාන්තා ක්‍රිකට් කණ්ඩායමේ නව සහාය පුහුණුකරුවා ලෙස තරිඳු පෙරේරාව පත් කිරීමට ශ්‍රී ලංකා ක්‍රිකට් ආයතනය පියවර ගෙන තිබේ. ඒ මහතාගේ පත්වීම ජූලි 01 වැනිදා සිට වසර දෙකක කාලයක් සඳහා වලංගු වනු ඇත.

එංගලන්ත ක්‍රිකට් ආයතනයේ සිව්වැනි අදියරයේ විශේෂඥ පුහුණුකරුවකු ලෙස පත්වීම් ලබා සිටින තරිඳුට එරට ප්‍රාන්ත ක්‍රිකට් තරගාවලිය නියෝජනය කරනු ලබන වොර්ක්ෂයර් ප්‍රාන්ත කණ්ඩායම සමග කටයුතු කර තිබේ.

ඊට අමතරව ඇඩිලේඩ් ස්ට්‍රයිකර්ස් සහ වෙස්ඩ් එන්ඩ් රෙඩ් බැක්ස් ඇතුළු තවත් ක්‍රීඩා සමාජ ගණනාවකදම තරිඳු පුහුණුකරුවකු ලෙස කටයුතු කොට අත්දැකීම් ලබා සිටියි. වොර්ක්ෂයර් ප්‍රාන්ත කණ්ඩායමේ කටයුතු කරන අවස්ථාවේදී ඔහු එහි ඉහල කාර්යය සාධන මධ්‍යස්ථාන පුහුණුකරුවකු ලෙස කටයුතු කර තිබේ. එම කාල සීමාවේදී ප්‍රාන්ත ශූරතා තරගාවලිය, රාජකීය ලන්ඩන් එක්දින තරගාවලිය, විටලිටි බ්ලාස්ට් විස්සයි-20 තරගාවලිය සහ වෝර්ක්ෂයර් ඇකඩමිය සමග කටයුතු කොට ඇත.

ඇඩ්ලේඩ් ස්ට්‍රයිකර්ස් සහ වෙස්ට් එන්ඩ් රෙඩ් බැක්ස් කණ්ඩායම් සමග කටයුතු කරන අවධියේදී ඔහු පන්දුවට පහර දීම මෙන්ම දඟ පන්දු යැවීම පිළිබඳ සහාය පුහුණුකරුවකු ලෙස කටයුතු කර තිබේ. හෙතෙම, 2022 වසරේදී ශ්‍රී ලංකා වයස අවුරුදු 19 න් පහළ කණ්ඩායමේ එංගලන් තරග සංචාරය යටතේ එංගලන්ත යංග් ලයන්ස් කණ්ඩායම සමග පැවැති පුහුණු තරගයේ ද සහාය පුහුණුකරුවා ලෙස කටයුතු කර තිබේ.

මේ අතර ඇඩිලේඩ් විශ්වවිද්‍යාල ප්‍රධාන දිස්ත්‍රික් කාන්තා කණ්ඩායමද පෙරේරාගේ පුහුණු අත්දැකීම් යටතට පත්වනු ඇත. ඊට අමතරව ඔහු 2019 වසරේදී යෝර්ක්ෂයර් ප්‍රාන්ත කාන්තා කණ්ඩායමේද ප්‍රධාන පුහුණුකරුවා ලෙස කටයුතු කර තිබේ.

එක්සත් රාජධානියේ ලීඩ්ස් බෙකට් විශ්ව විද්‍යාලයෙන් ක්‍රීඩා පුහුණු කිරීම පිළිබද ගෞරව උපාධයකි ලබා ඇති පෙරේරා, ශ්‍රී ලංකාවේ දේශීය ක්‍රීඩා සමාජ වන එස්. එස්. සී. සහ ටැමිල් යුනියන් යන ක්‍රීඩා සමාජ නියෝජනය කර තිබේ. ඊට අමතරව ඔහු දෙවැනි පෙළ ප්‍රාන්ත ක්‍රිකට් තරගාවලිය යටතේ නොදම්ප්ටෂයර් කණ්ඩායම ද නියෝනය කර තිබේ.

 

Active filters

Recent Posts

Pin It on Pinterest

LKR Sri Lankan rupee
logo