නේපාලයේ පැවැත්වුණු රෝද පුටු ක්රිකට් ආසියානු කුසලාන ක්රිකට් තරගාවලියේ අනුශූරතාව හිමිකරගත් ශ්රී ලංකා රෝද පුටු ක්රිකට් කණ්ඩායම, නැවත ශ්රී ලංකාවට පැමිණිමෙන් පසු හිමිකරගත් කුසලානද සමඟ ඉකුත්දා ශ්රී ලංකා ක්රිකට් ආයතන මූලස්ථානය වෙත පැමිණියේය. හමුදාවේ සිටියදී ක්රියාන්විත රාජකාරි අතරතුර පූර්ණකාලීනව ආබාධිත වූ මෙන්ම රිය අනතුරු හේතුවෙන් ආබාධිත වුණු තරුණයින්ගෙන් සමන්විත ශ්රී ලංකා රෝද පුටු ක්රිකට් කණ්ඩායමට මෙම තරගාවලියට සහභාගිවීම වෙනුවෙන් වූ සියලු වියදම් දරන ලද්දේ ශ්රී ලංකා ක්රිකට් ආයතනය විසින් වන අතර ඒ වෙනුවන් කෘතගුණ සැලකීමක් ලෙස ශ්රී ලංකා රෝද පුටු ක්රිකට් කණ්ඩායමේ සාමාජිකයින් කීප දෙනෙකු ශ්රී ලංකා ක්රිකට් ආයතනය වෙත පැමිණියහ.
මෙහිදී ශ්රී ලංකා ක්රිකට් ආයතන ගරු ලේකම් මොහාන් ද සිල්වා සහ ගරු භාණ්ඩාගාරික සුජීව ගොඩලියද්ද යන මහත්වරුන් මුණ ගැසී සුහද කතා බහක නිරත වූහේ තමන් තමන් විසින් ලක් මාතාවට දිනා දුන් ආසියානු අනුශූරතා කුසලානයද සමගිනි.
ඔක්තෝම්බර් 04 වැනිදා සිට 09 වැනිදා දක්වා නේපාලයේ කත්මන්ඩු නුවරදී පැවැති මෙම තරගාවලිය සඳහා ආසියානු රටවල් 5 ක සහභාගිත්වයෙන් පැවැත්විණ. මූලික වටය යටතේ බංග්ලාදේශ පිලට සහ නේපාල පිලට ජයග්රහණ වාර්තා කරමින් අවසන් මහ තරග වරම දිනා ගත් ශ්රී ලංකා කණ්ඩායම එම අවසන් මහ තරගයේදී ඉන්දියාව හමුවේ පරාජයට පත්වීම නිසා අනුශූරතා කුසලානයෙන් සෑහීමකට පත්වීමට සිදුවිය.
දෙපයේ වාරු නොමැති වුවද තරුණ හත් තුළ කැටිව තිබෙන අප්රමාණ සිතේ හයියද සමඟින් රෝද පුටු කණ්ඩායම පිහිටුවාලීමේදී අවශ්ය උපකරණ සොයා ගැනීම මොවුන් මුහුණ දුන් ප්රධානම ගැටලුව බවට පත්ව තිබිණ. සංචාරයකට සහභාගිවීම තමා ක්රිකට් උපකරන මිලදී ගැනීම වෙනුවෙන් වූ මුදල්ද රෝද පුටු කණ්ඩායම සතු නොවීය.
කෙසේ වෙතත් ජාතික අවශ්යතාවයක් ලෙස සලකමින් ඊට ඉදිරිපත් වුණු ශ්රී ලංකා ක්රිකට් ආයතනය ක්රිකට් ආම්පන්න පමණක් නොව පුහුණුවීම් කටයුතු නේපාලයට යෑමට සහ ඒමට කණ්ඩායමේ 17 දෙනාට අවශ්ය ගුවන් ප්රවේෂ පත්රද ලබාදීමට කටයුතු යෙදීය. ඒ සදහා පමණක් ශ්රී ලංකා ක්රිකට් ආයතනය රුපියල් මිලියන 2.3 කට අධික මුදලක් වැය කළ අතර ඊට අමතරව වසරකට ක්රිකට් ක්රීඩා කිරීමට අවශ්ය රුපියල් මිලියන 3 කට ආසන්න මුදලක්ද ශ්රී ලංකා රෝද පුටු ක්රිකට් කණ්ඩායම වෙනුවෙන් ලබා දීමට ශ්රී ලංකා ක්රිකට් සභාපති ශම්මි සිල්වා මහතා ප්රමුක විධායක කමිටුව කටයුතු යෙදීය.
