slc
logo
Home   |    News
ඔක්තෝබර් 1, 2023
වැස්සෙන් සිදුවන බාධා මැද තරග තුනක් ඇරැඹෙයි

sinhala editor

ශ්‍රී ලංකා ක්‍රිකට් ආයතනයේ සංවිධානයෙන් පැවැත්වෙන අන්තර් සමාජ ප්‍රධානතම තුන් දින ලීග් ක්‍රිකට් තරගාවලියේ මේ සති අන්තයේ පැවැත්වෙන තරග අතුරින් තරග තුනක් හැර අනෙක් තරග සියල්ලම වර්ෂාව හේතුවෙන් ආරම්භ කිරීමට තවමත් නොහැකිවී තිබේ.

නුගේගොඩ ක්‍රීඩා, සුබ සාධක සමාජය හා කෝල්ට් අතර තරගය පෙරේදා ආරම්භවී ඕවර් 20කට සීමාවී අද ජය පරාජයෙන් තොරව නිමා වූ අතර, අද ආරම්භ කළ කුරුණෑගල තරුණ ක්‍රිකට් සමාජය හා හලාවත මේරියන්ස් අතර තරගය ඕවර් 15කට හා ඒස් කැපිටල් හා ගුවන් හමුදාව අතර තරගය ඕවර් 42කට සීමාවී පළමු දිනය නිමා වුණි.

මොරටුව ද සොයිසා ක්‍රීඩාංගණයේ පැවැත්වෙන කෝල්ට්ස් – නුගේගොඩ ක්‍රීඩා හා සුබ සාධක සමාජය අතර තරගයේදී කාසියේ වාසිය දිනාගත් කෝල්ට්ස් පිල මුලින් පන්දුවට පහරදීමට නුගේගොඩ ක්‍රීඩා හා සුබ සාධක සමාජයට ආරාධනා කළ හෙයින් කඩුලු 1කට ලකුණු 96ක් ලබා සිටියදී යළී වර්ෂාව ඇද හැලීම හේතුවෙන් තරගය යළි ආරම්භ කිරීමට නොහැකි විය.

29දා ආරම්භවීමට නියමිතව තිබූ තරග අතර, හොරණ කලුතර යුද හමුදා ජාත්‍යන්තර ක්‍රීඩාංගණයේ බදුරලිය හා පොලිස් ක්‍රීඩා සමාජය අතර තරගය, මෙතෙක් ආරම්භවී නැති අතර, 30දා සිට ආරම්භ කිරීමට නියමිත වූ ශ්‍රී ලංකා යුද හමුදාව හා සීසීසී අතර සීසීසී පිටියේ තරගය, පානදුර හා ගාල්ල අතර පානදුර පිටියේ තරගය, කැන්ඩි කස්ටම්ස් ක්‍රිකට් සමාජය හා රාගම ක්‍රිකට් සමාජය අතර තර්ස්ටන් පිටියේ පැවැත්වීමට නියමිතව තිබූ තරගය, බීආර්සී හා මීගමුව අතර බීආර්සී පිටියේ පැවැත්වීමට නියමිත වූ තරගය, මුවර්ස් හා ටැමිල් යූනියන් අතර මුවර්ස් ක්‍රීඩා පිටියේ පැවැත්වීමට නියමිත වූ තරගය අයහපත් කාලගුණික තත්ත්වය හේතුවෙන් ආරම්භ කිරීමට නොහැකිවී තිබේ.

නුගේගොඩ ක්‍රීඩා හා සුබ සාධක සමාජය පළමු ඉනිම කඩුලු 1කට ලකුණු 96 (ඕවර් 20) තිලකරත්න සම්පත් නොදැවී 54, මුර්ටාසා තෘන්කවාලා නොදැවී 35 ( කවිෂ්ක අංජුල 11/1)

කුරුණෑගල තරුණ – හලාවත මේරියන්ස් අතර තරගය මග්ගොන සරේ පිටියේදී

කුරුණෑගල තරුණ පිල පළමු ඉනිම කඩුලු 3කට ලකුණු 68 (ඕවර් 15) – ගයාන් මනීෂාන් 10, දමිත් පෙරේරා නොදැවී 17, සනෝජ් දර්ෂික නොදැවී 27 ( තීක්ෂල ද සිල්වා 28/1, ලසිත් ලක්ෂාන් 24/2)

ඒස් කැපිටල් – ගුවන් හමුදාව අතර තරගය කටුනායක නිදහස් වෙළද කලාප ක්‍රීඩාංගණයේදී

ඒස් කැපිටල් පිල පළමු ඉනිම කඩුලු 4කට ලකුණු 125 (ඕවර් 42) – මධුක ලිියනපතිරණගේ නොදැවී 64, සිතාර ගිම්හාන් 35, සකුන ලියනගේ නොදැවී 19 ( ළසඳ රුක්මාල් 12/1, මොවින් සුබසිංහ 38/2, මලිත් ද සිල්වා 27/1)

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

USD United States (US) dollar