slc
logo
Home   |    News
පෙබරවාරි 4, 2024
අප සිටින්නේ වැඩි වාසි තිබෙන තත්වයකයි – දිමුත් කරුණාරත්න පවසයි

Sri Lanka Cricket

ඇෆ්ගනිස්තානය සමඟ දැන් පැවැත්වෙන ටෙස්ට් ක්‍රිකට් තරගයේ මේ වන විට දින තුනක් ඉතිරිව ශ්‍රී ලංකාව ප්‍රථම ඉනිමේ ලකුණු 212කින් ඉදිරියෙන් සිටින හෙයින් තෙවන දින (04) තවත් ලකුණු ප්‍රමාණයක් රැස් කර ගැනීමෙන් ශ්‍රී ලංකාවට තරගය ජය ගැනීමට හැකි තත්ත්වයකට පත්විය හැකි යැයි මේ තරගයේදී ලකුණු 77ක් රැස් කළ හිටපු නායක දිමුත් කරුණාරත්න දෙවන දින තරගයෙන් පසුව ප්‍රකාශ කළේය.

 “මේ වන විට මේ තරගයේ පීඩනය දැන් යොමුව ඇත්තේ ඇෆ්ගනිස්තාන කණ්ඩායම වෙතටයි. අපගේ සැළසුම වී තිබෙන්නේ හැකි තරම් වේලාවක් පන්දුවට පහරදී වියළි (Dry wicket) ඇෆ්ගනිස්තානයට දෙවන ඉනිමේදී ලබා දීමයි. එවිට අපට නැවත වතාවක් ඔවුන්ව අඩු ලකුණු සංඛ්‍යාවකට දවා ගැනීමට හැකි වේවි.“

 මේ ඇෆ්ගනිස්තාන කණ්ඩායම ඔවුන් සතු හොඳම කණ්ඩායමයි. ඔවුනට ටෙස්ට් තත්ත්වය හිමි වී දැනට වසර හතක් ගත වී ඇතත් ඔවුනගේ අත්දැකීම් සහ පළපුරුද්ද අඩුයි. පසුගිය වසර හත තුළම ක්‍රීඩා කළ ටෙස්ට් කණ්ඩායමේ ක්‍රීඩකයන් සිටින්නෙත් ඉතාමත් අඩු පිරිසක්. මේ කරුණු නිසා පීඩනය ඔවුනට අපහසු වේවි යැයි ද දිමුත් කරුණාරත්න පවසයි.

 ඇෆ්ගනිස්තාන සමඟ ප්‍රථම ඉනිමේදී තමා පන්දුවට පහර දුන් ආකාරය සහ ඔහුගේ අනාගත ක්‍රීඩා සැළසුම පිළිබඳව විස්තර කළ දිමුත් කරුණාරත්න මෙසේ ද සඳහන් කළේය.

 “මා මේ තරගයේ ප්‍රථම ඉනිමේදී ලකුණු 77ක් රැස් කළා. මට අහිමිව ගියේ පහසුවෙන්ම රැස් කර ගැනීමට තිබු ශතකයක්. මා දැවී ගිය එම ෆුල්ටොස් පන්දුව එතරම් හොඳ පන්දුවක් නොවුවත් දැවී යාමට හේතුව වුයේ එවැනි පන්දුවක් එම අවස්ථාවේ ලැබෙතැයි නොසිතූ නිසයි.“

 මේ වසරේ අපට ටෙස්ට් තරග නවයක්ම තිබෙනවා. මගේ සැළසුම එම තරග නවයේදී මගේ ටෙස්ට් ලකුණු සම්පූර්ණ එකතුව 8000 – 8500ක් කරා ගෙන යාමටයි. මට තවත් වසර දෙක තුනක් ක්‍රීඩා කළ හැකියි. ඒ වන විට මගේ ඉලක්කය වන ලකුණු දස දහසේ සීමාවට යාමට අවස්ථාව ලැබුණු ඇතැයි තමා සිතන බව ද දිමුත් කරුණාරත්න පවසයි.

 මේ වසරේ ජුනි ජූලි මාසයන්හි අපට එංගලන්තයේදී තවත් ටෙස්ට් ක්‍රිකට් තරග තුනකට සහභාගි වීමට තිබෙනවා. එහිදී දස්කම් දක්වා මගේ ඉලක්කයන් කරා යාම මගේ අපේක්ෂාවයි. ඕනෑම දෙයක් ඉලක්කයක් ඇතිව සිදු කළහොත් ඒවා කරා යාම පහසු වන බව ද දිමුත් කරුණාරත්න කියයි.

 මා දැන් පන්දුවට පහර දෙන්නේ නිරවුල් මනසකින් යුතුව නිවැරිදිව පන්දුවට පහරදී ලකුණු ලැබීමේ අවධානයකිනුයි. කෙසේ වුවත් මා නායකත්වය දැරූ කාලයේදීවත් මා එය එතරම් ගැඹුරු අයුරින් සිතට ගෙන පීඩනයක් ගත්තේ නෑ. එහෙත් දැන් හොඳින්ම පන්දුවට පහරදීම ගැන අවධානය යොමු කිරීම වඩාත් පහසු බව ද දිමුත් කීවේය.

 ඇන්ජලෝ මැතිව්ස්ගේ සහ දිනේෂ් චන්දිමාල්ගේ සිව්වන කඩුල්ලේ ලකුණු 230ක සබඳතාව පිළිබඳව අදහස් දැක් වූ දිමුත් කරුණාරත්න, ඔවුනගේ දීර්ඝ කාලීන ක්‍රිකට් අත්දැකීම් සහ පළපුරුද්ද මෙවැනි ලකුණු සංඛ්‍යාවක් කරා යාම පහසු කළ බවයි.

බන්දුල මොල්ලිගොඩ

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

LKR Sri Lankan rupee