slc
logo
Home   |    News
ජූනි 27, 2024
එන්.සී.සී සහ බ්ලූම්ෆීල්ඩ් අවසන් මහ සටනට

sinhala editor

ශ්‍රී ලංකා ක්‍රිකට් ආයතනය විසින් සංවිධානය කරනු ලබන අන්තර් සමාජ ප්‍රධානතම විස්සයි-20 ක්‍රිකට් තරගාවලියේ අවසන් මහ තරගය සදහා සුදුසුකම් ලබා ගැනීමට එන්.සී.සී, සහ බ්ලූම්ෆීල්ඩ් කණ්ඩායම සමත්වී සිටිති.

අවසන් පූර්ව තරග දෙකටම වර්ෂාවෙන් බාධා එල්ල වූ අතර එහිදී බී.ආර්.සී, සහ එන්. සී. සී. අතර තරගය කාසියේ වාසිය මත අවසන් මහ තරග අවස්ථාව තීරණය කෙරිණි. එහිදී කාසියේ වාසිය තමන් සතු කරගත් එන්.සී. සී. කණ්ඩායම ජුනි 28 වැනිදා පී. සරා ක්‍රීඩාංගණයේ පැවැත්වෙන අවසන් මහ තරගයට ක්‍රීඩා කිරීම සඳහා අවස්ථාව උදාකරගත්තේය.

ඔවුන්ගේ ප්‍රතිවාදීන් බවට පත්ව සිටින බ්ලූම්ෆීල්ඩ් ක්‍රීඩා සමාජය, මුවර්ස් පිලට එරෙහිව පැවැති තරගය කඩුලු 4 ක ජයක් වාර්තා කරමින් අවසන් මහ තරග වරම දිනා ගත්තේය.

පෙරවරුවේ පැවැති එන්.සී.සී. සහ බී.ආර්.සී, අතර තරගය පන්දුවාර 9 ක තරගයක් ලෙසින් ආරම්භ කෙරුණු නමුත්, ක්‍රීඩා කිරීමට හැකියාව ලැබුණේ පන්දුවාර 6.2 ක්  පමණි. ඒ වනවිටත් පන්දුවට පහර දෙින් සිටි බී.ආර්.සී. කණ්ඩායම කඩුල්ලක් දැවී ලකුණු 61 ක් ලබා සිටියේය.

මේ අතර පස්වරුවේ පැවැති තරගයද වර්ෂාව හරස්වීම නිසා පන්දුවාර 8 කට සීමා වෙමින් පැවැති අතර එහිදී පළමුව පන්දුවට පහර දුන් මුවර්ස් කණ්ඩායම කඩුලු 9 කට ලකුණු 70 ක් ලබා ගත් අතර එය හඹා යෑමේදී බ්ලූම්ෆීල්ඩ් කණ්ඩායම පන්දුවාර 7.3 කදී කඩුලු 6 ක් පමණක් දැවී ඉලක්කය සපුරා යෑමට සමත්විය. එහ හඹා යෑමේදී බ්ලූම්ෆීල්ඩ් කණ්ඩායමේ මුල් පෙළ කඩුලු 6 ම ලකුණු 31 කදී බිඳ වැටී තිබුණද 7 වැනි කඩුල්ලට එක් වූ ළහිරු මදුශංක පන්දු 12 කදී හතරේ පහරක් සහ හයේ පහර 2 ක් සමගින් නොදැවී ලකුණු 26 ක්ද නිපුන් කරුණානායක පන්දු 8 කදී හතරේ පහරක් සහ හයේ පහර 2 ක් සමඟින් නොදැවී ලකුණු 21 ක්ද රැස් කරමින් බ්ලූම්ෆීල්ඩ් පිල ජයග්‍රහණය කරා රැගෙන ගියහ.

1 වැනි අවසන් පූර්ව තරගය

කාසියේ වාසිය මත ජයග්‍රහණය එන්.සී.සී. පිලට

බී.ආර්.සී. පන්දුවාර 6.2 කදී කඩුල්ලක් දැවී ලකුණු 61 යි – (රවිජ සදරුවන් 39, භානුක රාජපක්ෂ 19*, දුෂ්මන්ත චමීර 11.1)

 

දෙවැනි අවසන් පූර්ව තරගය

බ්ලූම්ෆීල්ඩ් පිලට කඩුලු 7 ක ජයක්

මුවර්ස් පන්දුවාර 8 කදී කඩුලු 9 කට ලකුණු 70 යි – (සොහාන් ද ලිවේරා 21, ජනිශ්ක පෙරේරා 12, සහන් නානානයක්කාර 13/4, ජෙෆ්රි වැනඩර්ස්සේ 10/2)

බ්ලූම්ෆීල්ඩ් පන්දුවාර 7.3 කදී කඩුලු 6 ක් දැවී ලකුණු 73 යි – (ළහිරු මදුශංක 26*, නිපුන් කරුණානායක් 21*, දිනුක ඩිල්ෂාන් 08/3, ශිරාන් ප්‍රනාන්දු 08/2)

Active filters

Recent Posts

  • ශ්‍රී ලංකාවේ තණතිලි විශිෂ්ටයි – ඔමාර්සායි
    ලංකා ප්‍රිමියර් ලීග් ක්‍රිකට් තරගාවලියකදී ප්‍රථම වතාවට තරගයේ දක්ෂතම ක්‍රීඩකයා ලෙස තේරීම පිළිබඳව තමා දැඩි සතුටට පත්ව සිටින බව ජැෆ්නා කින්ග්ස් කණ්ඩායමේ අංක හත පිතිකරු අස්මතුල්ලා ඔමාර්සායි ගෝල් […]
  • කණ්ඩායමේ සාමුහිකත්වය අපට ජය ගෙන ආවා – මතීෂ පතිරණ
    කළම්බු ස්ට්‍රයිකර්ස් සහ කැන්ඩි ෆැල්කන්ස් අතර ජූලි 06 වැනිදා දඹුල්ලේදී පැවැති ලංකා ප්‍රිමියර් ලීග් තරගය කණ්ඩායම් දෙකම ලකුණු දෙසීයයේ සීමාව අසළටම පැමිණ තියුණුම මුහුණුවරක් ඉසිලුවත් එම තරගය කළම්බු […]
  • තණතීරු ගැන පැතුම්ගේ අදහස
    මේ වන විට ශ්‍රී ලංකාවේ උසස්ම මට්ටමේ තණතිලි ක්‍රිකට් ක්‍රීඩකයනට සැපයෙන හෙයින් ඉදිරියේදී දැනටත් වඩා ලකුණු රැස් කිරීමට පිතිකරුවනට අවස්ථාව උදා වනු ඇතැයි ජැෆ්නා කින්ග්ස් – දඹුල්ල සික්සර්ස් […]
  • අවසන් මහ තරගයට සුදුසුකම් ලැබීම අපේ අභිප්‍රායයි – රොසොව්
    දැන් පැවැත්වෙන එල්.පී.එල්. තරගාවලියේ ප්‍රථම සහ දෙවන ස්ථානයන් අතර පසු වන තම කණ්ඩායම අවසාන මහා තරගයට සුදුසුකම් ලබා ගැනීම කණ්ඩායමේ ක්‍රීඩකයන්ගේ අපේක්ෂාව බව ජැෆ්නා කින්ග්ස් සහ කළම්බු ස්ට්‍රයිකර්ස් […]
  • පළමු තරගයේම තරගයේ දක්ෂතම ක්‍රීඩකයා වීම ගැන සතුටුයි – ප්‍රභාත් ජයසූරිය
    කැන්ඩි ෆැල්කන්ස් කණ්ඩායමේ ප්‍රධාන තුරුම්පුව වන ඇන්ඩ්‍රි ෆ්ලෙචර් සහ දිනේෂ් චන්දිමාල් යන ආරම්භක පිතිකරුවන් දෙදෙනාගේ සබඳතාවය බිඳ දැමීමේ වැදගත්කම දැන සිටි අපගේ කණ්ඩායම (ගෝල් මාවල්ස්) එය ඉටු කර […]

Pin It on Pinterest

LKR Sri Lankan rupee
logo