slc
logo
Home   |    News
ජූනි 27, 2024
සිල්වර්වුඩ් ධුරයෙන් ඉල්ලා අස්වෙයි

sinhala editor

ජාතික ක්‍රිකට් කණ්ඩායමේ ප්‍රධාන පුහුුණුකරු ලෙසින් කටයුතු කළ ක්‍රිස් සිල්වර්වුඩ් මහතා එම තනතුරින් ඉල්ලා අස්වී තිබේ. පෞද්ලික හේතූන් මත තමා එම තනතුරෙන් ඉල්ලා අස්වීමට තීරණය කළ බව ඒ මහතා සඳහන් කර සිටියි.

“ජාත්‍යන්තර මට්ටමේ පුහුණුකරුවකු වෙනවා කියන්නේ ආදරණීයයන්ගෙන් දිගු කාලයක් ඈත්ව සිටීමයි. මගේ පවුලේ් උදවිය සමග දැඩි සංවාදයකින් පසු මේ තීරණය ගත්තේ .මම නැවත ගෙදර ගිහිල්ලා ඔවුන් සමඟ හොඳ කාලයක් ගත කරන්න කාලය එළැඹ තියෙනවා“ යැයි සිල්වර්වඩු සඳහන් කර සිටියි.

“මම ශ්‍රී ලංකාවේ කටයුතු කරපු කාලය තුළ මට ලබා දුන් සහයෝගයට ශ්‍රී ලංකා ක්‍රිකට් කලමනාකාරීත්වයට, පුහුණුකරුවන් සහ කාර්යය මණ්ඩලයට මම ස්තූතිවන්ත වනවා. ඔබේ සහයෝගය නොමැතිව කිසි දෙයක් සාර්ථකව සිදුකරගන්නට බැහැ“ යැයි ඔහු වැඩිදුරටත් සඳහන් කර සිටියි.

“ශ්‍රී ලංකා ක්‍රිකට් ආයතනයේ් සාමාජිකයෙකු වීමට ලැබීම මට සැබෑ ගෞරවයක්. මම මෙයින් බොහෝ සොඳුරු මතකයන් රැගෙන යනවා“ යැයි සිල්වර්වුඩ් පවසයසි.

සිල්වර්වුඩ්ගේ සේවා කාලය තුළදී ශ්‍රී ලංකා ක්‍රිකට් කණ්ඩායම 2022 වසරේ පැවැති ආසියානු කුසලාන තරගාවලියේ ශූරතාවත් 2023 වසරේ පැවැති එක්දින ආසියානු කුසලාන ක්‍රිකට් තරගාවලියේ අවසන් මහ තරගයටද සුදුසුකම් ලබා ගැනීමට සමත්විය. ඊට අමතරව ශ්‍රී ලංකාවේ මෙන්ම එතෙරදී පැවැති ද්වී පාර්ශ්වික තරගාවලිවලද ජයග්‍රහණයන් වාර්තා කිරීමට ශ්‍රී ලංකා කණ්ඩායම සිල්වර්වඩුගේ පුහුණුකාරීත්වය යටතේ හැකියාව ලැබිණ, ඒ අතර බංග්ලාදේශයට එරෙහිව ඔවුන්ගේ රටේ ලද ටෙස්ට් තරග ජය මෙන්ම ඔස්ට්‍රේලියාවට එරෙහිව ශ්‍රී ලංකාවේ පැවැති එක්දින තරගාවලියද කැපී පෙනෙයි.

Active filters

Recent Posts

  • ඉන්දීය තරග සංචාරයේ තරග පැවැත්වෙන දින සංශෝධනයක්
    ජූලි සහ අගෝස්තු මසදී සුදු පන්දුවෙන් කෙරෙන ක්‍රිකට් තරගාවලි 2 ක් සඳහා ශ්‍රී ලංකාවට පැමිණෙනෙ ඉන්දීය ක්‍රිකට් කණ්ඩායමට එරෙහි තරගාවලියේ තරග පැවැත්වෙන දිනයන්හි සංශෝධනයක් සිදුකර තිබේ. පන්දුවාර විස්සයි-20 […]
  • ශ්‍රී ලංකාවේ තණතිලි විශිෂ්ටයි – ඔමාර්සායි
    ලංකා ප්‍රිමියර් ලීග් ක්‍රිකට් තරගාවලියකදී ප්‍රථම වතාවට තරගයේ දක්ෂතම ක්‍රීඩකයා ලෙස තේරීම පිළිබඳව තමා දැඩි සතුටට පත්ව සිටින බව ජැෆ්නා කින්ග්ස් කණ්ඩායමේ අංක හත පිතිකරු අස්මතුල්ලා ඔමාර්සායි ගෝල් […]
  • කණ්ඩායමේ සාමුහිකත්වය අපට ජය ගෙන ආවා – මතීෂ පතිරණ
    කළම්බු ස්ට්‍රයිකර්ස් සහ කැන්ඩි ෆැල්කන්ස් අතර ජූලි 06 වැනිදා දඹුල්ලේදී පැවැති ලංකා ප්‍රිමියර් ලීග් තරගය කණ්ඩායම් දෙකම ලකුණු දෙසීයයේ සීමාව අසළටම පැමිණ තියුණුම මුහුණුවරක් ඉසිලුවත් එම තරගය කළම්බු […]
  • තණතීරු ගැන පැතුම්ගේ අදහස
    මේ වන විට ශ්‍රී ලංකාවේ උසස්ම මට්ටමේ තණතිලි ක්‍රිකට් ක්‍රීඩකයනට සැපයෙන හෙයින් ඉදිරියේදී දැනටත් වඩා ලකුණු රැස් කිරීමට පිතිකරුවනට අවස්ථාව උදා වනු ඇතැයි ජැෆ්නා කින්ග්ස් – දඹුල්ල සික්සර්ස් […]
  • අවසන් මහ තරගයට සුදුසුකම් ලැබීම අපේ අභිප්‍රායයි – රොසොව්
    දැන් පැවැත්වෙන එල්.පී.එල්. තරගාවලියේ ප්‍රථම සහ දෙවන ස්ථානයන් අතර පසු වන තම කණ්ඩායම අවසාන මහා තරගයට සුදුසුකම් ලබා ගැනීම කණ්ඩායමේ ක්‍රීඩකයන්ගේ අපේක්ෂාව බව ජැෆ්නා කින්ග්ස් සහ කළම්බු ස්ට්‍රයිකර්ස් […]

Pin It on Pinterest

LKR Sri Lankan rupee
logo