ශ්‍රී ලංකා ක්‍රිකට් ආයතනයේ මෙහෙයවීමෙන් අද (08 දා) ආරම්භ වුණු වයස අවුරුදු 19 න් පහළ බාළිකා ක්‍රිකට් තරගාවලියේ ජයග්‍රහණ වාර්තා කිරීමට ගාල්ල සහ මහනුවර බාළිකා කණ්ඩායම් සමත්වූහ. හම්බන්තොට මහින්ද රාජපක්ෂ ක්‍රීඩාංගණයේ පැවැත්වෙන මෙම තරගාවලියේදී මහනුවර අතින් කොළඹ කණ්ඩායමත්, ගාල්ල අතින් දඹුල්ල කණ්ඩායමත් පරාජයට පත් කළහ.

උදෑසන පැවැති තරගයේදී පළමුව පන්දුවට පහර දුන් ගාල්ල කණ්ඩායම පන්දුවාර 20 කදී කඩුලු 6 ට ලකුණු 142 ක් ලදුව ඊට පිළිතුරු ලෙස දඹුල්ල කණ්ඩායමට නියමිත පන්දුවාර 20 අවසනදී කඩුලු 8 ක් දැවී රැස් කර ගත හැකි වූයේ ලකුණු 61 ක් පමණි. ඒ අනුව එම තරගයෙන් ගාල්ල කණ්ඩායමට ලකුණු 81 ක ජයක් හිමි විය. මෙම තරගයේදී ගාල්ල කණ්ඩායමේ හිරුණි හංසිකා පන්දු 42 කදී හතරේ පහර 9 ක් ද සමඟින් ලකුණු 51 ක් ලබා මෙවර තරග වාරයේ පළමු අර්ධ ශතක ලාභිණිය බවට පත්වූවාය.

මේ අතර පස්වරුවේ පැවැති තරගයේදී කොළඹ කණ්ඩායමට එරෙහිව මහනුවර කණ්ඩායම කඩුලු 6 ක ජයක් වාර්තා කරගැනීමට සමත්වූවේය.

මහනුවර කඩුලු 6 ක ජයක්

කොළඹ අවු. 19 න් පහළ බාලිකා පන්දුවාර 20 කදී කඩුලු 8 ට ලකුණු 115 යි

එරන්දි වර්ණකුලසූරිය 10, යෙනුලි සත්නදී 11, ලිමී තිලකරත්න 25, දහමි සෙනෙත්මා 24, ප්‍රමුදි මෙත්සරා 23/3, නිරාෂා ගිම්හානි 13/3,

මහනුවර අවු. 19 න් පහළ බාලිකා පන්දුවාර 19.4 කදී කඩුලු 4 ට ලකුණු 118 යි

හිරුණි දිසානායක 18, විමෝෂ්කා බාලසූරිය 48*, කවිශ්කා අබේරත්න 32*, 

ගාල්ලට ලකුණු 81 ක ජයක්

ගාල්ල අවු. 19 න් පහළ බාළිකා පන්දුවාර 20 කදී කඩුලු 6 ට ලකුණු 142 යි

හිරුණි හංසිකා 51, සංජනා කාවින්දි 23, රශ්මිකා සෙව්වන්දි 14, නෙතඟි ඉසුරාන්ජලී 27, රශ්මි නේත්‍රාංජලී 10, නෙත්මි උපේක්ෂා 18/3

දඹුල්ල අවු. 19 න් පහළ බාළිකා පන්දුවාර 20 කදී කඩුලු 8 ට ලකුණු 61 යි

චතුමිණි සඳකිරනි 10, චාලනි කවීෂා 11, වගීශා ජයවර්ධන 12, විශ්මි සෙව්වන්දි 07/2, ශෙහාරා ඉඳුවරී 19/2, චමෝදි මුණසිංහ 03/2