ශ්‍රී  ලංකා ‘ඒ’ ක්‍රිකට් කණ්ඩායම අගෝස්තු - සැප්තැම්බර් කාල සීමාව තුළ දකුණු අප්‍රිකාවේ සංචාරය කිරීමට සූදානම් වේ. එහිදී දකුණු අප්‍රිකා ‘ඒ’ කණ්ඩායමට එරෙහිව එක්දින තරග තුනක් සහ සිව්දින තරග දෙකක් ක්‍රීඩා කිරීමට නියමිතය.

ශ්‍රී ලංකා ‘ඒ’ හා දකුණු අප්‍රිකානු ‘ඒ’ ක්‍රිකට් කණ්ඩායම් අතර, පළමු එක්දින තරගය මේ 31 වැනිදා දකුණු අප්‍රිකාවේ පොචෙස්ට්රූම් හි ජේබී මාර්ක් ඕවල් ක්‍රීඩාංගණයේදී ආරම්භවේ. සැප්තැම්බර් 2දා හා 3දා දෙවැනි හා තෙවැනි එක්දින ක්‍රිකට් තරග එම ක්‍රීඩාංගණයේදීම පැවැත්වීමට කටයුතු යොදා ඇත.

පළමු සිවුදින ක්‍රිකට් තරගය සැප්තැම්බර් 8 වැනිදා සිට 11 දා දක්වා කිම්බර්ලිහි කිම්බර්ලි ක්‍රීඩාංගණයේ පැවැත්වෙන අතර, දෙවැනි සිවුදින ක්‍රිකට් තරගය සැප්තැම්බර් 15 වැනිදා සිට 18 වැනිදා දක්වා බෙනොනි විලොව්මෝර් ක්‍රීඩාංගණයේදී පැවැත්වේ.