තරග 3 කින් සමන්විත නිල නොවන එක්දින තරගාවලිය යටතේ ශ්‍රී ලංකා ‘ඒ‘ පිල සහභාගිවූ දෙවැනි තරගයෙන්ද ලකුණු 30 ක පරාජයකට දකුණු අප්‍රිකානු ‘ඒ‘ පිල ඇද දමමින් තරගයක් ඉතිරිව තිබියදීම තරගාවලියේ ජය වාර්තා කිරීමට ශ්‍රී ලංකා ‘ඒ‘ කණ්ඩායම සමත්වූවේය. පොචෙස්ට්‍රෝම්හිදී පැවැති පළමු තරගයද ලකුණු 97 කින් ජය ගත් ශ්‍රී ලංකා ‘ඒ‘ ක්‍රීඩකයෝ තරගාවලිය 2-0 ක් ලෙස ජය වාර්තා කරගත්හ.

තරගයේ පළමුව පන්දුවට පහර දුන් ශ්‍රී ලංකා ඒ කණ්ඩායම නියමිත පන්දුවාර 50 අවසනදී කඩුලු 7 කට ලකුණු 269 ක් වාර්තා කළ අතර එය හඹා යෑමේදී දකුණු අප්‍රිකානු ඒ පි පන්දුවාර 41.1 කදී ලකුණු 239 කට සීමා කිරීමට ශ්‍රී ලංකා ‘ඒ පන්දු යවන්නෝ සමත්වූහ.

මෙහිදී කැපී පෙනෙන පන්දු යැවීමක නිරත වූ වමතින් පා දඟ පන්දු යවන ක්‍රීඩක දුෂාන් හේමන්ත පන්දුවාර 8 කදී කුණු 48 කට කඩුලු 5 ක් දවා ගත්තේය. ඔහුට අමතරව වනුජ සහන් ලලකුණු 52 කට කඩුලු 2 ක් දවා ගත්තේය.

එම ඉලක්කය හඹා යෑමේදී නායක මැතිව් බ්‍රිට්ස්කි පන්දු 80 කදී ලකුණු 74 ක් වාර්තා කරමින් දකුණු අප්‍රිකානු ඒ පිල ජයග්‍රහණය කරා රැගෙන ඒමට වෙහෙස ගත්තද කමිල් මිශාරගේ සහයෝගය අතිව ඔහුගේ කඩුල්ල දවා ගැනීමට දුෂාන් හේමන්ත සමත්වූවේය.

පන්දුවට පහර දීමේදී සාර්ථක වුණු ළහිරු උදාර පන්දු 95 කදී ලලකුණු 86 ක් රැස කර ගත්තේ හයේ පහරක් සහ හතරේ පහර 11 ක් ඉනිමට ඇතුළත් කර ගනිමිනි. ඔහුට අමතාරව මැද පෙළින් පැමිණි සහන් ආරච්චිගේ පන්දු 56 කදී ලකුණු 52 ක්ද සොනාල් දිනූෂ සහ චමිඳු වික්‍රමසිංහ පිළිවෙළින් ලකුණු 40 සහ 44 බැගින් රැස් කළහ. මෙහිදී චමිඳු රැස් කරන ලද ලකුණු 44 සඳහා ඔහු පන්දු 35 ක් පමණක් වැය කරන ලද්දේ හයේ පහර 2 ක් සහ හතරේ පහර 2 ක් ඉනිමට ඇතුළත් කර ගනිමිනි.

ශ්‍රී ලංකා ‘ඒ‘ පන්දුවාර 50 කදී කඩුලු 7 ට ලකුණු 269 යි

ළහිරු උදාර 86, කමිල් මිශාර 10, පසිඳු සූරියබණ්ඩාර 21, සහන් ආරච්චිගේ 52, සොනාල් දිනූෂ 40, චමිඳු වික්‍රමසිංහ 44, ඇන්ඩිල් බෙලුක්වායෝ 51/2, අන්ඩිල් සිමෙලන් 24/2

දකුණු අප්‍රිකානු ඒ පන්දුවාර 41.1 කදී සියලු දෙනා දැවී ලකුණු 239 යි

මැතිව් බ්‍රිට්ස්කි 74, මීකා යීල් ප්‍රින්ස් 44, සෙනුරාන් මුතුසාමි 37, ඇන්ඩිල් බෙලුක්වායෝ 24, ඇන්ඩිල් සිමෙලන් 27, දුෂාන් හේමන්ත 48/5, චමිදු වික්‍රමසිංහ 52/2