ශ්‍රී ලංකා ක්‍රිකට් සංවිධානය කරන ප්‍රධානතම ක්‍රීඩා සමාජ ඕවර් 50 ආරාධිත ක්‍රිකට් තරගාවලියේ අද පැවැති තරගයකදී එන්සීසී පිල ලකුණු 44කින් පරාජය කිරීමට කොළඹ ක්‍රිකට් සමාජ (සීසීසී) ක්‍රීඩිකාවෝ සමත් වූහ. එන්සීසී ක්‍රීඩාංගණයේ පැවැති මෙම තරගයේ කාසියේ වාසිය දිනාගත් එන්සීසී පිල මුලින් පන්දු රැකීමට තීරණය කළ හෙයින් කොළඹ ක්‍රිකට් සමාජ (සීසීසී) ක්‍රීඩිකාවෝ කඩුලු 9කට ලකුණු 130ක් ලබා ගත්හ. පිළිතුරු ඉනිම ක්‍රීඩා කිරීමට පිටියට පිවිසි එන්සීසී ක්‍රීඩිකාවෝ සියලු දෙනා ලකුණු 69කට දවා ගැනීමට සීසීසී පිල සමත් විය.

එන්සීසී ඉනිම කඩා බිඳහෙලූ ලිමී තිලකරත්න ලකුණු 8කට කඩුලු 3ක් බිදහෙලූ අතර, හිමාෂා පෙරේරා හා නෙත්මි ගුණරත්න කඩුලු 2 බැගින් බිඳහෙලූහ. කොළඹ ක්‍රිකට් සමාජ (සීසීසී) පිල වෙනුවෙන් විශ්මි ගුණරත්න ලකුණු 37ක් ලබා ගත්තාය.

ප්‍රධානතම ක්‍රීඩා සමාජ ඕවර් 50 ආරාධිත ක්‍රිකට් තරගාවලියේ මීළඟ තරගය හෙට (26) ගාල්ල ක්‍රීඩා සමාජ කාන්තා පිල අතර හා බඳුරලිය කාන්තා ක්‍රිකට් පිල අතර ගාල්ල ජාත්‍යන්තර ක්‍රීඩා පිටියේදී පැවැත්වේ.

කොළඹ ක්‍රිකට් සමාජ (සීසීසී) පිල කඩුලු 9කට ලකුණු 130 ( ඕවර් 33)
විශ්මි ගුණරත්න 37, සඳලි වීරසිංහ 21, නෙත්මි ගුණරත්න නොදැවී 40, අතිරේක 10 ( හර්ෂණී විජේරත්න 21/2, මල්ෂා නිරාෂා 30/2, විනලි වීනස් 26/2)

එන්සීසී පිල සියලු දෙනා දැවී ලකුණු 69 ( ඕවර් 24.3)
ලක්ෂි අභිමාණී 10, ඉෂිනි සොයිසා 9, ගීත්මා මයන්ති 9 ( ලිමී තිලකරත්න 8/ 3, හිමාෂා පෙරේරා 13/2, නෙත්මි ගුණරත්න 11/2)