පාකිස්තානයේ තරග සංචාරයක නිරතව සිටින ශ්‍රී ලංකා ‘ඒ‘ ක්‍රිකට් කන්ඩායම සහ පාකිස්තානු ‘ඒ‘ කණ්ඩායම අතර ආරම්භ වුණු පළමු නිල නොවන සිව්දින ටෙස්ට් තරගයේ පළමු දිනයේදීම ශ්‍රී ලංකා ‘ඒ‘ කණ්ඩායම ලකුණු 115 කට නවතාලමින් තරගයේ වැඩි වාසියකින් පෙරමුණ ගැනීමට පාකිස්තානු ඒ ක්‍රීඩකයෝ සමත්ව සිටිති. ඒ අනුව දිනයේ ඉතිරි වරුවේ පන්දුවට පහර දුන් පාකිස්තානු පිල ලකුණු 66 ක් රැස් කර ගන්නා අතරවාරයේදී ඔවුන්ගේ කඩුලු 2 ක් දවා ගැනීමට ශ්‍රී ලංකා ඒ පන්දු යවන්නෝ සමත්ව සිටියහ.

ශ්‍රී ලංකා ‘ඒ‘ කන්ඩායම වෙනුවෙන් මැද පෙළ පිතිකරු සොනාල් දිනුෂ (30) ක් වැඩිම ලකුණු ලාභියා බවට පත් වද්දී නායක පසිඳු සූරියබණ්ඩාර ලලකුණු 29 ක් රැස් කර ගත්තේය. පන්දු යැවීමේදී පාකිස්තානු ‘ඒ‘ පිල වෙනුවෙන් වේග පන්දු වෙන් කැපී පෙනුනු පන්දු යවන්නා බවට පත්වූයේ කෂිෆ් ඇලී වන අතර ඔහු කඩුලු 5 ක් දවා ගත්තේය.

ඔහුට අමතරව අනෙක් ආරම්භක පන්දු යවන්නා වු කුරාම් ෂෙසාඩ් කඩුලු 4 ක් වශයෙන් ශ්‍රී ලංකා ඒ ඉනිමේ දැවි ගිය කඩුලු 10 න් 9 කටම හිමිකම් කිහ. මොවුන් දෙදෙනාගේ සුපිරි පන්දු යැවීම නිසා ශ්‍රී ලංකා ‘ඒ‘ ඉනිම  පන්දුවාර 33.1 කදී නිමාවට පත්විය.

ශ්‍රී ලංකා ඉනිමේ පළමු කඩුලු 8 ම ලකුණු 94 ක් ඇතුළත බිද වැටී විටෙක ලකුණු 100 සීමාව ඉක්මවාලීමද අපහසු තත්ත්වයක පසු වද්දී අංක 10 පිතිකරු ස්ථානයෙන් පිවිසි ඉසිත විජේසුන්දර රැස් කරන ලද ලකුණු 13 නිසා එම අවධානමෙන් මිදීමට ශ්‍රී ලංකාවට හැකියාව ලැබිණ.

හෙට තරගයේ දෙවැනි දිනයයි.

ශ්‍රී ලංකා ඒ පන්දුවාර 33.1 කදී  ලකුණු 115 යි

නිපුන් ධනංජය 02, ඔෂධ ප්‍රනාන්දු 01, අහන් වික්‍රමසිංහ 02, පසිඳු සූරියබණ්ඩාර 28, පවන් රත්නායක 00, සොනාල් දිනූෂ 30, විෂාද් රන්දික 18, නිසල තාරක 04, වනුජ සහන් 06. ඉසිත විජේසුන්දර 13, විශ්ව ප්‍රනාන්දු 01*, කුරාම් ෂෙසාඩ් 332/4, කෂීෆ් අලී 31/5

පාකිස්තානු ඒ පන්දුවාර 24 කදී කඩුලු 2 ට ලකුණු 66 යි

අබ්දූල් ෆසීහ් 26, මොහොමඩ් හුරේරා 06,  අලී සාර්යුබ් 18*, මොහොමඩ් සුලේමාන් 11*, විශ්ව ප්‍රනාන්දු 14/1, වනුජ සහන් 08/1