කොළඹ ආර්. ප්‍රේමදාස ක්‍රීඩාංගණයේදී අද (16 දා) පැවැත්වෙන තෙවැනි පන්දුවාර විස්සයි-20 තරගයේදී කාසියේ වාසිය දිනූ ශ්‍රී ලංකා නායක චරිත් අසලංක පළමුව පන්දුවට පහර දීමට තීරණය කළේය. මෙම තරගය සඳහා ශ්‍රී ලංකා කණ්ඩායම දිනේෂ් චන්දිමාල් සහ කමිදු මෙන්ඩිස්ව කැඳවමින් අවතීර්ණව සිටිති.

අංක 4 පිතිකරණ ස්ථානයෙන් දිගින් දිගටම අසාර්ථක වුණු අවිශ්ක ප්‍රනාන්දුගේ ස්ථානය සදහා චන්දිමාල්ව ආදේශ කර ඇති අතර චමික කරුණාරත්නගේ ස්ථානයට කමිදු මෙන්ඩිස්ව ආදේශ කර තිබේ.

ඒ අනුව දිනේෂ් චන්දිමාල් පන්දුවාර විස්සයි-20 තරගයකට ක්‍රීඩා කරනු ලබන්නේ වසර 3 ක කාලයකින් පසුව වීම විශේෂත්වයක් වේ. ඉන්දියාවට එරෙහිව 2022 වසරේදී ධර්මශාලාහි පැවැති තරගය චන්දිමාල්ගේ අවසන් ජාත්‍යන්තර විස්සයි-20 තරගය පත්ව තිබේ.

බංග්ලාදේශ කණ්ඩායමද වෙනස්කම් දෙකක් සිදුකරමින් තරගයට අවතීර්ණව සිටින අතර එහිදී මෙහිදි හසන් මිරාස් වෙනුවට මෙහෙදි හසන්ද මොහොමඩ් සයිෆුඩීන් වෙනුවට ටන්සිම් හසන් ද බංග්ලාදේශ කණ්ඩායමට එක්ව සිටිති.