slc
logo
Home   |    News
නොවැම්බර් 22, 2020
සියල්ලෝම හෙට පුහුණුවීම් අරඹති

Sri Lanka Cricket

Chamila Karawita reporting from Hambantota 

තව දින 4 කින් ආරම්භ වීමට නියමිත “My11Circle ලංකා ප්‍රිමියර් ලීග්” පන්දුවාර විස්සයි-20 ලීග් ක්‍රිකට් තරගාවලියට ඉලක්ක කොට සියළුම කණ්ඩායම් හෙට (23 දා) දිනයේ සිට හම්බන්තොට මහින්ද රාජපක්ෂ ජාත්‍යන්තර ක්‍රිකට් ක්‍රීඩාංගණයේ සිය පුහුණුවීම් කටයුතු ආරම්භ කරනු ඇත.

දකුණු අප්‍රිකානු ටෙස්ට් තරග සංචාරය ඉලක්ක කර ගනිමින් මහනුවරදී පැවැති දින 10 ක පුහුණු කඳවුර සහභාගිවුණු ක්‍රීඩකයින්ගෙන් 22 දෙනෙක් හැරුණු කොට අනෙක් ක්‍රීඩකයින් 18 දෙනාම අද (22 දා) පස්වරුවේදී කණ්ඩායම් නවා තැන් ගෙන සිටින ෂැන්ග්‍රිලා හෝටලය වෙත පැමිණි සිය කණ්ඩායම් වලට තම තමන් ක්‍රීඩා කිරීමට නියමිත කණ්ඩායම් වෙත විසිර ගියහ. ඒ ඇරුණු කොට හදිසි හේතු කොට ගෙන තරගාවලියෙන් ඉවත් වුණු විදෙස් ක්‍රීඩකයින් සඳහා වූ ආදේශක ක්‍රීඩකයින් සහ පෞද්ගලික හේතූන් මත ප්‍රමාද වී පැමිණෙන ක්‍රීඩකයින් අතළොස්සක් හැරුණු කොට සෙසු සියළුම ක්‍රීඩකයින් සහ කණ්ඩායම් නියෝජිතයින් මේ වන විටත් තරගාවලිය ජය ගැනීම සඳහා කඳවුර බැඳ තිබේ.

මෙතෙක් දිනක් ජෛව ආරක්ෂිත බුබුළු 5 කට වෙන්ව සිය කටයුතු කරගෙන ගිය කණ්ඩායම් නීරෝධායන කාල සීමාවේ හත්වැනි දිනය අද දිනෙන් අවසන් වුණු බැවින් සියළුම කණ්ඩායම් සුළු කාණ්ඩ වශයෙන් ශාරීරික යෝග්‍යතා ව්‍යායාම් වල සහ ඇඟ උණුසුම් කර ගැනීමේ ව්‍යායාම්වල නියැළෙනු දක්නට ලැබිණ.

ඒ සියල්ල අහවර වීමෙන් පසු කණ්ඩායම් කීපයක් තම තමන්ට රිසි ක්‍රීඩාවන් වළ නියැළෙනු දක්නට ලැබුණු අතර එහිදී ගෝල් ග්ලැඩියේටර් කණ්ඩායම සැහැල්ලු පන්දු ක්‍රිකට් තරගයකටද, කැන්ඩි ටස්කර්ස් පිල පාපන්දු තරගවල සහ පන්දු රැකීමේ පුහුණුවීම් වලද, ජැෆ්නා ස්ටැලියන්ස් කණ්ඩායම කෙටි දුර දිවීමේ ව්‍යායාම් වලද නියැළුණහ.

මේ අතර අද දිනයේදී මාධ්‍ය නිවේදනයක් නිකුත් කළ දඹුල්ල වයිකින්ග් කණ්ඩායම සඳහන් කර සිටියේ කණ්ඩායමේ නායකයා කවුරුන්ද යන්න මේ වන තෙක් කණ්ඩායම් කළමනාකාරීත්වය නම් කිරීමට පියවර ගෙන නොමැති බවය. “නායකයකු තෝරා ගැනීම සඳහා අපේ සංචිතයේ විකල්ප ගණනාවක් තියෙනවා. එය කණ්ඩායමට ඉතාමත් හොඳ දෙයක්. නමුත් අපේ කණ්ඩායමේ නායකයා කවුරුන්ද කියලා අපි තාමත් තීරණය කරලා නෑ. ඇත්තටම මට අවශ්‍ය වෙලා තියෙන්නේ නායකයා පත් කිරීමට පෙර ක්‍රීඩකයින් සමඟ පුහුණු සංචිත කීපයක් පවත්වන්න”යි කණ්ඩායමේ ප්‍රධාන පුහුණුකරු වන ඔවයිස් ෂා සමඟ සිදුකරන ලද ප්‍රශ්න විමසීමක් මාධ්‍ය වෙත මුදා හරිමින් ඒ පිළිබඳව කරුණු අනාවරණය කරන ලදී. 

පුහුණුවීම් සිදු කිරීම විශේෂ සැලසුමකට අනුව සිදුකෙරෙන අතර එහිදී කණ්ඩායමකට තවත් කණ්ඩායමක් මුණ නොගැසෙන අන්දමින් එය ක්‍රියාත්මක වනු ඇත. ඒ අනුව එක් වරකදී හෝ ක්‍රීඩාංගණයේදී කණ්ඩායමක් තවත් කණ්ඩායමක් මුණ නොගැසෙනු ඇත. 

Active filters

Recent Posts

  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]
  • පළමු ශතකය නිශාන් මධුශ්කගෙන්
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ පළමු තරගයෙන් ලකුණු 137ක දැවැන්ත ජයක් වාර්තා කිරීමට බඳුරලිය ක්‍රීඩා සමාජය සමත් වෙයි. කුරුණෑගල යොවුන් ක්‍රිකට් […]
  • කාන්තා ක්‍රිකට් දියුණු වෙන්නේ ක්‍රීඩිකාවන්ගේ කැපවීම නිසයි – චමරි අතපත්තු
    කාන්තා ක්‍රිකට් ක්‍රීඩාව ක්‍රමයෙන් දියුණු තත්ත්වයකට ගෙන ඒමට හැකි වූයේ සියලු දෙනාගේ කැපවීම හේතුවෙන් බව ශ්‍රී ලංකා ක්‍රිකට් නායිකා චමරි අතපත්තු පැවැසූවාය. පසුගිය වසර එකහමාරක කාලය තුලදී ප්‍රබල […]

Pin It on Pinterest

LKR Sri Lankan rupee