ආරම්භයට දින 3 ක් පමණක් ඉතිරිව තිබෙන “My11Circle ලංකා ප්රිමියර් ලීග්” පන්දුවාර විස්සයි-20 ලීග් ක්රිකට් තරගාවලිය නියෝජනය කිරීමට නියමිත කණ්ඩායම් සංචිත අද (23 දා) ශ්රී ලංකා ක්රිකට් ආයතනය විසින් නිල වශයෙන් ප්රකාශයට පත් කිරීමට පියවර ගෙන තිබේ.
ලබන 26 වැනිදා ආරම්භවීමට නියමිත මෙම තරගාවලිය සඳහා නම් කරන ලද සංචිතයකට ක්රීඩකයින් 20 දෙනෙකු පමණක් ඇතුළත් කර ගත යුතු වුවත් කොරෝනා වෛරස් තත්ත්වයෙහි අවිනිශ්චිත භාවය වටහා ගෙන සිටින ශ්රී ලංකා ක්රිකට් ආයතනය එක් සංචිතයකට ක්රීඩකයින් 22 දෙනෙකු ඇතුළත් කර ගැනීම සඳහා ඒ ඒ කණ්ඩායම් වලට අවසර ලබා දී තිබේ. ඒ අනුව අලුතින් අවසර ලබා දී තිබෙන ක්රීඩකයින් දෙදෙනාගෙන්, විදෙස් සහ දෙස් වශයෙන් තබා ගැනීමට අවසර ලබා දී තිබේ.
ප්රකාශයට පත් කරන ලද කණ්ඩායම් අතර දඹුල්ල කණ්ඩායම සහ ගෝල් ග්ලැඩියේටර් කණ්ඩායම සිය ප්රධාන ක්රීඩකයකු රහිතව සංචිත ප්රකාශයට පත් කර තිබුණේ ඒ සඳහා කිසිදු ආදේශක මෙතෙක් ලබා ගැනීමට නොගෙන සිටින පසුබිමකදී වීම කැපී පෙනෙයි.
මේ අතර නම් කරන ලද සංචිත 5 න් 4 කම නායකයා කවුරුන්ද යන්න ප්රකාශයට පත් කර ඇති නමුත් දඹුල්ල වයිකිංග්ස් කණ්ඩායමේ නායකයා ලෙසින් කවුරුන් කටයුතු කරන්නේද යන්න එම කණ්ඩායම් කළමනාකාරීත්වය තවමත් ප්රකාශයට පත් කර නොමැත. ඒ අනුව කලම්බු කිංග්ස් කණ්ඩායමේ නායකත්වය ඇන්ජලෝ මැතිව්ස් විසින්ද, කැන්ඩි ටස්කර්ස් කණ්ඩායම කුසල් පෙරේරා විසින්ද, ජැෆ්නා ස්ටැලියන්ස් කණ්ඩායම තිසර පෙරේරා විසින්ද සහ ගෝල් ග්ලැඩියේටර් කණ්ඩායමේ නායකයා ලෙසින් ශහිඩ් අෆ්රිඩිවද පත් කර තිබේ.
| දඹුල්ල වයිකිංග්ස් | ගෝල් ග්ලැඩියේටර් | කැන්ඩි ටස්කර්ස් | කලම්බු කිංග්ස් | ජැෆ්නා ස්ටැලියන්ස් |
| දසුන් ශාන්ක | – | කුසල් පෙරේරා | ඇන්ජලෝ මැතිව්ස් | තිසර පෙරේරා |
| – | ශහිඩ් අෆ්රිඩි | බ්රෙන්ඩන්ටේලර් | මන්ප්රීට් ගෝනි | ජොන්සන් චාර්ල්ස් |
| සමිඋල්ලා ශින්වාරි | චැඩ්වික් වෝල්ටන් | ඉර්ෆාන් පතන් | ඇන්ඩ්රෙ රසල් | වනිඳු හසරංග |
| අන්වර් අලී | හස්රතුල්ලා සසායි | මුනාෆ් පටෙල් | ලෝරි එවන්ස් | ෂොයෙබ් මලික් |
| සමිත් පටෙල් | මොහොමඩ් ආමීර් | සොහෙල් ටන්වීර් | ඩැනියෙල් බෙල් | උස්මාන් ශින්වාරි |
| නිරෝෂන් දික්වැල්ල | ධනුෂ්ක ගුණතිලක | කුසල් මෙන්ඩිස් | ඉසුරු උදාන | අවිෂ්ක ප්රනාන්දු |
| ළහිරු කුමාර | භානුක රාජපක්ෂ | නුවන් ප්රදීප් | දිනේෂ් චන්දිමාල් | ධනංජය ද සිල්වා |
| ඕෂධ ප්රනාන්දු | අකිල ධනංජය | සීකුගේ ප්රසන්න | අමිල අපෝන්සු | සුරංග ලක්මාල් |
| කසුන් රජිත | මිලින්ද සිරිවර්ධන | අසේල ගුණරත්න | අශාන් ප්රියන්ජන | බිනුර ප්රනාන්දු |
| සුදීප් ත්යාගි | අශාන් අලී | නවීන් උල්හක් | රවින්ද්රපාල් සිං | ටොම් මුවර් |
| පෝල් ස්ට්රිලිංග් | අසාම් ඛාන් | රමානුල්ලා ගුර්බාස් | කායිස් අහමඩ් | කයිල් ඇබට් |
| ළහිරු මදුසංඛ | ලක්ෂාන් සඳකැන් | කමිඳු මෙන්ඩිස් | දුෂ්මන්ත චමීර | ඩුවන් ඔලිවර් |
| උපුල් තරංග | ෂෙහාන් ජයසූරිය | ඩිල්රුවන් පෙරේරා | ජෙෆ්රි වැන්ඩර්සි | චතුරංග ද සිල්වා |
| ඇන්ජලෝ පෙරේරා | අසිත ප්රනාන්දු | ප්රියමාල් පෙරේරා | තීක්ෂිල ද සිල්වා | මිනෝද් භානුක |
| රමේෂ් මෙන්ඩිස් | නුවන් තුෂාර | කනිෂ්ක අංජුල | තරිඳු කෞෂාල් | මහේෂ් තීක්ෂණ |
| පුලින තරංග | මොහොමඩ් ශිරාස් | ලසිත් ඇඹුල්දෙණිය | ළහිරු උදාර | චරිත් අසලංක |
| මාලින්ද පුෂ්පකුමාර | අබ්දූල් නසීර් | කෙවින් කොට්ටිගොඩ | කරීම් ඛාන් | හියකාන්ත් වියිසකාන්ත් |
| අෆ්ටාබ් අලාම් | වකාස් මක්සූඩ් | විශ්ව ප්රනාන්දු | ධම්මික ප්රසාද් | ප්රභාත් ජයසූරිය |
| අෂේන් බණ්ඩාර | ධනංජය ලක්ෂාන් | ළහිරු සමරකෝන් | හිමේෂ් රාමනායක | නුවනිඳු ප්රනාන්දු |
| ඩිල්ශාන් මදුශංක | චානක රුවන්සිරි | නිශාන් මධුෂ්ක | කලන පෙරේරා | කනකරත්නම් කපිල්රාජ් |
| කවිඳු නදීශාන් | සහන් ආරච්චි | චාමිකර එදිරිසිංහ | තරිඳු රත්නායක | තේවේන්ද්රියන් දිනෝෂන් |
| සචිඳු කොළඹගේ | දුවිනිඳු තිලරත්න | ඉෂාන් ජයරත්න | නවෝද් පරණවිතාන | සෙබස්තියන්ප්ල්ලායි විජේරාජ් |
