slc
Home   |    News
දෙසැම්බර් 16, 2021
අවශ්‍යම අවස්ථාවේ කඩුලු ලැබීම සතුටක් – සමිට් පටෙල්

Sri Lanka Cricket

දෙවැනි කඩුල්ල සාර්ථක සබඳතාවයක් තබාගනිමින් ජයග්‍රහණය කරා යද්දී ඔවුනගේ ප්‍රධානම කඩුලු දෙකක් දවාලමින් තරගයේ ජයග්‍රහණය තම කණ්ඩායම සතුව තබාගැනීමට දායකත්වයක් දීමට හැකිවීම පිළිබඳව සතුටු වන බව ගෝල් ග්ලැඩියේටර්ස් සහ දඹුල්ල ජයන්ට්ස් තරගයේ දක්ෂතම ක්‍රීඩකයා ලෙස තේරුණු ග්ලැඩියේටර්ස් කණ්ඩායමේ සමිට් පටෙල් තරගයෙන් පසුව ප්‍රකාශ කළේය.

තම කණ්ඩායමට තවත් ලකුණු 15ක් පමණ අවශ්‍යව තිබූ බව තමා මුලින්ම දැනසිටි බව කී පටෙල් ලකුණු 150ක් පමණ සංඛ්‍යාවක් රැස්කර තිබුණේ නම් මෙය පහසු තරගයක් බවට පත්කර ගැනීමට අවස්ථාව තිබූ බවද කීවේය.

වර්ෂාවෙන් පසුව පන්දු යැවීමේ කාර්යය මඳක් අසීරු වූයේ පන්දුව තෙත්ව තිබීම මත බව පැවැසූ පටෙල් එසේවූ හෙයින් නිතර පන්දුව පිරිමැදීමටත් දෙවරක් පමණ මාරු කිරීමටත් සිදුවූ බවද කීවේය.

ජයග්‍රාහී ගෝල් ග්ලැඩියේටර්ස් නායක භානුක රාජපක්ෂ ප්‍රකාශ කළේ එම තණතිල්ලේ ලකුණු රැස්කිරීම අසීරු කාර්යයක්ව තිබූ බවත් පසුව ක්‍රමයෙන් තණතිල්ල යහපත් තත්ත්වයට පත්වූ බවත්ය.

තවත් ලකුණු 15 -20ක් පමණ තිබුණා නම් මේ තරගය පහසුවෙන් ජයගත හැකිව තිබූ බව කී භානුක රාජපක්ෂ සමිට් පටෙල්, මොහොමඩ් අමීර් සහ ඉසුරු උදාන ජයන්ට්ස් ඉනිම අග භාගයේ දක්ෂ පන්දු යැවීමක නිරතවීම මත තම කණ්ඩායමට ජයග්‍රහණය කරා යාමට අවස්ථාව උදාවූ බව සඳහන් කර සිටියේය.

අඩු පන්දුවාර (14) සංඛ්‍යාවකට සීමාවූ මේ තරගයෙන් ජය ලබා ගැනීමට ගෝල් ග්ලැඩියේටර්ස් කණ්ඩායමේ සියළු ක්‍රීඩකයන් දායකවූ බවද සැමට ස්තූතිය පුද කරන බවද භානුක රජපක්ෂ කීය.

දඹුල්ල ජයන්ට්ස් නායක දසුන් ශානක අදහස් දක්වමින් තම කණ්ඩාමේ ක්‍රීඩකයන් හොඳින් පන්දුවට පහරදීම සහ හොඳින් පන්දු යැවීම සිදුකළත්, පන්දු රැකීමේදීත් උඩ පන්දු ගිලිහීම සහ හරිහැටි පන්දුව රැක නොගැනීමෙන් අමතර ලකුණු දීමෙන් පරාජයට පත්වූ බවයි.

කෙසේ වුවද තම අපේක්ෂාව දෙවන ස්ථානයට පත්ව අවසාන පූර්ව තරගයට සුදුසුකම් ලබා දිගටම දස්කම් දැක්වීම බවද ජයන්ට්ස් නායකයා ප්‍රකාශ කළේය.

බන්දුල මොල්ලිගොඩ

Active filters

Recent Posts

  • ශ්‍රී ලංකාවෙන් ප්‍රසාද ලකුණක් ගිලිහෙයි
    නවසීලන්තයට එරෙහිව පැවැති පළමු එක්දින තරගයේදී නියමිත වේලාවට පන්දුවාර සංඛ්‍යාව යවා අවසන් කිරීමට අපොහොසත් වුණු ශ්‍රී ලංකා කණ්ඩායමට ලෝක කුසලාන සුපර් ලීග් ප්‍රසාද ලකුණු සටහනෙන් තවත් එක් ලකුණක් […]
  • මහේල නවසීලන්තයට නොයෑම ගැන ශ්‍රී ලංකා ක්‍රිකට් කරුණු පහදයි
    ශ්‍රී ලංකා ක්‍රිකට්හි ‘පුහුණු උපදේශකවරයා’ ලෙසින් කටයුතු කරන මහේල ජයවර්ධන ශ්‍රී ලංකා කණ්ඩායම සහභාගිවන සෑම සංචාරයකදීම ජාතික කණ්ඩායම සමඟ සංචාරයට සහභාගි නොවන බව ශ්‍රී ලංකා ක්‍රිකට් දැනුම් දී […]
  • යොවුන් පිලට අවසන් මහ තරග අවස්ථාව ගිළිහෙයි
    අබුඩාබි නුවර පැවැත්වෙන වයස අවුරුදු 19 න්  පහළ තුන්කොන් එක්දින ක්‍රිකට් තරගාවලියේ අවසන් මහ තරගයට සුදුසුකම් ලබා ගැනීම සඳහා ශ්‍රී ලංකා යොවුන් කණ්ඩායමට තිබූ අවසන් අවස්ථාව වූ ඇෆ්ගනිස්තානයට […]
  • දඹුල්ලේ අපරාජිත බව බිඳ වැටෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී දඹුල්ල පිලේ අපරාජිත බව බිද දැමූ ගෝල් ක්‍රීඩකයෝ කඩුලු 5ක ජයක් වාර්තා කළහ. දැනටමත් අවසන් මහා තරගයට […]
  • කැන්ඩි දෙවැනි වරටත් ජැෆ්නාට පරදී
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී දෙවැනි වරටත් කැන්ඩි පිල පරාජය කිරීමට ජැෆ්නා ක්‍රීඩකයෝ සමත් වූහ. කොළඹ සිංහල ක්‍රීඩා සමාජ ක්‍රීඩාංගණයේ   පැවති තරගයෙන් […]
LKR Sri Lankan rupee

Pin It on Pinterest