slc
Home   |    News
මාර්තු 7, 2022
කැන්ඩි නායක කමිඳුගෙන් ශතකයක්

sinhala editor

පල්ලේකැලේ පැවැති නැෂනල් සුපර් ලීග් තරගාවලියේ කැන්ඩි -ජැෆ්නා තරගය විසඳුමකින් තොරව නිමාවට පත්වූයේ කැන්ඩි කණ්ඩායම තරගයේ වැඩි ගෞරව අත්කර ගනිමිනි. සෙනසුරාදා (5) තරගය නිමවන විට දෙවන ඉනිම සඳහා පන්දුවට පහර දෙමින් සිටි කැන්ඩි කණ්ඩායම කිසිවෙකු නොදැවී ලකුණු 25ක් ලබාසිටි අතර ඔවුන් අද (6) තවත් ලකුණු 298ක් රැස්කළේ පිතිකරුවන් පස්දෙනෙකු පමණම දැවීයාමෙනි. කැන්ඩි දෙවන ඉනිම සඳහා කඩුලු පහකට ලකුණු 322ක් ලබා සිටියදී සවස 5ට තම ඉනිම නතර කිරීමත් සමඟ තරගයද නිමාවිණි.

කැන්ඩි දෙවන ඉනිම සඳහා පන්දුවට පහරදෙද්දී ලකුණු 59කට කඩුලු තුනක් දැවීසිටියදී නායක කමිඳු මෙන්ඩිස් අගනා ඉනිමක් ක්‍රීඩා කරමින් සිව්වන කඩුල්ලට ළහිරු උදාර සමඟ පන්දු 167කදී ලකුණු 110ක්ද පස්වන කඩුල්ලට සහන් ආරච්චිගේ සමඟ ලකුණු 153ක්ද (පන්දු 264) රැස්කරමින් කණ්ඩායම ප්‍රබල තත්ත්වයකට පත්කළහ.

දිනයේ කැපීපෙනුණු ක්‍රීඩකයා බවට පත්වූ කමිඳු මෙන්ඩිස් ලකුණු 137ක් රැස්කළේ පන්දු234කට මුහුණදී හතරේ පහර දහයක් සහ හයේ පහර දෙකක්ද සමඟිනි.

මෙදින ලකුණු අතර සිටි අනෙකුත් පිතිකරුවන් වූ ළහිරු උදාර පන්දු 89කදී හතරේ අටක් සමඟ ලකුණු 65ක්ද සහන් ආරච්චිගේ පන්දු 135කදී හතරේ හතරක් හයේ පහරක් සමඟ ලකුණු 65ක්ද ලැබූහ. දුනිත් වෙල්ලාලගේ මෙදින දක්ෂ පන්දු යැවීමක නිරත වූයේ ලකුණු 66කට කඩුලු තුනක් දවාලමිනි.

කැන්ඩි මුල් ඉනිම 503/9යි 135.2යි – (සහන් ආරච්චිගේ 162යි, කසුන් විදුර 67,ඕෂද ප්‍රනාන්දු 50, ළහිරු උදාර 50, අෂේන් ඩැනියල් 38, කමිල් මිෂාර 35,අවිඳු තීක්ෂණ නොදැවී 28, නිපුන් මාලිංග 68/3, කසුන් මධුෂ්ක 78/2,සංතූෂ් ගුණතිලක 55/2)

පල්ලේකැලේ ක්‍රීඩාංගණයේදී

කැන්ඩි මුල් ඉනිම 503/9යි (135.2යි) – (සහන් ආරච්චිගේ 162යි, කසුන් විදුර 67, ඕෂද ප්‍රනාන්දු 50, ළහිරු උදාර 50, අෂේන් ඩැනියෙල් 38, කමිල් මිෂාර 35, අවිඳු තීක්ෂණ නොදැවී 28, නිපුන් මාලිංග 68/3, කසුන් මධුෂ්ක 78/2, සංතූෂ් ගුණතිලක 55/2)

ජැෆ්නා මුල් ඉනිම 318යි පන්දුවාර 92.4 – (ජනිත් ලියනගේ 85, සමිඳ ප්‍රනාන්දු 73, නිශාන් මධුෂ්ක 56, ගීත් කුමාර 58, අවිඳු තීක්ෂණ 135/5යි, අසිත ප්‍රනාන්දු 43/2යි)

කැන්ඩි දෙවන ඉනිම කඩුලු 5ට 322 පන්දුවාර 88 – (කමිඳු මෙන්ඩිස් 137, ළහිරු උදාර 65, සහන් ආරච්චිගේ නොදැවී 65, ලසිත් කෲස්පුල්ලේ 31, දුනිත් වෙල්ලාලගේ 66/3)

Recent Posts

  • ශ්‍රී ලංකාව පන්දු යැවීමට තීරණය කරයි
    නවසීලන්තයට එරෙහිව ඕක්ලන්ඩ්හිදී පැවැත්වෙන පළමු එක්දින තරගයේ කාසියේ වාසිය දිනා ගත් ශ්‍රී ලංකා නායක දසුන් ශානක පළමුව පන්දුවට පහර දීම සඳහා සත්කාරක නවසීලන්ත කණ්ඩායමට ආරාධනා කර සිටියේය. මෙම […]
  • අවධානම අඩු කර ගැනීමේ පළමු සටනට ශ්‍රී ලංකා පිල සූදානම් – දසුන්
    BY CHAMILA KARAWITA ලෝක කුසලාන ක්‍රිකට් තරගාවලියට සුදුසුකම් ලබා ගැනීම වෙනුවෙන් පැවැත්වෙන සුපිරි ලීග් තරගාවලිය යටතේ ශ්‍රී ලංකා කණ්ඩායම සහභාගිවන අවසන් එක්දින තරගාවලිය නවසීලන්ත කණ්ඩායමට එරෙහිව හෙට (25 […]
  • දඹුල්ල සිව්වැනි ජයත් සමඟින් අපරාජිතව ඉදිරියට
    නැෂනල් සුපර් ලීග් එක්දින සීමිත පන්දුවාර ක්‍රිකට් තරගාවලියේ අද (23 දා) රංගිරි දඹුලු ජාත්‍යන්තර ක්‍රීඩාංගණයේ පැවැති තරගයේදී ජැෆ්නා කණ්ඩායම ලකුණු 76 ක පරාජයකට ඇද දැමූ දඹුල්ල කණ්ඩායම පිට […]
  • කෲස්පුල්ලේගෙන් අනුකම්පා විරහිත පිතිහරඹයක්
    ශ්‍රී ලංකා ක්‍රිකට් ආයතනය විසින් මෙහෙයවනු ලබන නැෂනල් සුපර් ලීග් සීමිත පන්දුවාර ක්‍රිකට් තරගාවලියේ මූලික තරග වටය යටතේ අද (23 දා) පල්ලකැලේ ජාත්‍යන්තර ක්‍රීඩාංගණයේ පැවැති තරගයේදී ලකුණු 167 […]
  • යාපනයේ ක්‍රිකට් ගැන විතූෂාන් කතා කරයි
    යාපනයේ සිට පැමිණි තරුණි තරුණ ක්‍රිකට් ක්‍රීඩකයන් පස්දෙනෙකුම මේ වන විට අන්තර් සමාජ නියෝජනය කරමින් ජාතික මට්ටමෙන් තරග කරන අතර ඔවුනගේ අපේක්ෂාව වන්නේ ජාතික කණ්ඩායමට ඇතුළත්ව මව්බිමට කීර්තියක් […]
LKR Sri Lankan rupee

Pin It on Pinterest