slc
logo
Home   |    News
මාර්තු 28, 2023
වර්ෂාව නිසා දෙදෙනි එක්දින තරගය අතහැර දමයි

sinhala editor

ශ්‍රී ලංකාව සහ නවසීලන්තය අතර ක්‍රයිස්චර්ච්හි පැවැත්වීමට නියමිතව තිබූ දෙවැනි එක්දින තරගය කාසියේ වාසිය හෝ උරගා බැලීමට මත්තෙන් අතහැර දැමීමට තරග විනිසුරුවන් අද (28 දා) තීරණය කළේය. දිනයේ වැඩි කාලයක් වර්ෂාවෙන් බාධා ඇතිවූ නමුත් අවම වශයෙන් පන්දුවාර විස්සක තරගයක් ලෙසින් හෝ පැවැත්වීමට සංවිධායකයින් උපරිම උත්සාහයක නිරත වුවද එම බලාපොරොත්තු කිසිවක් සඵල නොවීය.

පන්දුවාර විස්සක තරගයක් ලෙසින් පැවැත්වීමට නම් තරගය අවම වශයෙන් නවසීලන්ත වේලාවෙන් ප.ව. 7.02 ට පෙර ආරම්භ කළ යුතු වුවත් දිග්න් දිගටම වර්ෂාව පැවැතීම නිසා තරගය ප.ව. 4.25 ට අත හැර දැමීමට විනිසුරුවෝ තීරණය කළහ.

ලෝක කුසලාන ක්‍රිකට් තරගාවලියට සෘජුවම සුදුසුකම් ලබා ගැනීම වෙනුවෙන් පැවැත්වෙන සුපර් ලීග් තරගාවලිය යටතේ පැවැත්වෙන මෙම තරගය අතහැර දැමීමත් සමඟ දෙපිළම අතර ප්‍රසාද ලකුණු බෙදී ගීයහ. එබැවින් ලෝක කුසලාන ක්‍රිකට් තරගාවලිය සදහා සෘජුව සුදුසුකම් ලබා ගැනීම කෙරෙහි ශ්‍රී ලංකාව තබා තිබූ බලාපොරොත්තු තව දුරටත් බිඳ වැටිණ. නවතම යාවත්කාලීනයට අනුව ශ්‍රී ලංකාවේ ප්‍රසාද ලකුණු සංඛ්‍යාව 82 ක් දක්වා ඉළ ගොස් සිටියද 9 වැනි ස්ථානයේ රැදී සිටියි.

තවත් දින 3 කට පසු ආරම්භ වීමට නියමිත තෙවැනි එක්දින තරගය ජය ගැනීමට ශ්‍රී ලංකාව සමත් වුවහොත් මේ වන විට 8 වැනි ස්ථානයේ පසුවන බටහිර ඉන්දීය කොදෙව් කණ්ඩායමට 9 වැනි තැනට ඇද දැමීමට අවස්ථාව උදාවන අතර එහිදී නවසීලන්තය සහ නෙදර්ලන්තය ඉදිරි තරග වලදී දක්වනු ලබන දක්ෂතා අනුව ශ්‍රී ලංකාවේ ලෝක කුසලාන ගමන තීරණය වනු ඇත.

දෙරට අතර පැවැති පළමු එක්දින තරගයෙන් ලකුණු 198 ක ජයක් වාර්තා කළ නවසීලන්ත කණ්ඩායම මේ වන විටත් තරගාවලිය 1-0 ක් ලෙස පෙරමුණ ගෙන සිටියි.

Active filters

Recent Posts

  • ශ්‍රී ලංකාව කැන්ගරුවන් හමුවේ දැවැන්තම එක්දින ජය ලබයි
    කුසල් මෙන්ඩිස්ගේ පස්වැනි එක්දින ශතකයත්, චරිත් අසලංකගේ අර්ධ ශතකයත් සහ පන්දු යවන්නන්ගේ දක්ෂ පන්දු යැවීමත් හේතුවෙන් ඔස්ට්‍රේලියානු කණ්ඩායමට එරෙහිව කොළඹ ආර්. ප්‍රේමදාස ක්‍රීඩාංගණයේ පැවැති දෙවැනි එක්දින තරගයෙන්ද ලකුණු 174 ක විශිෂ්ඨ […]
  • හලාවත මේරියන්ස් කඩුලු 9 ට ලකුණු 259 යි
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන අන්තර් සමාජ ප්‍රධානතම තුන් දින ලීග් ක්‍රිකට් තරගාවලිය යටතේ මග්ගොන සරේ විලේජ් ක්‍රීඩාංගණයේ පැවැත්වෙන තරගයේදී පළමු ඉනිම ක්‍රීඩා කරමින් සිටින හලාවත […]
  • එක්දින පන්දු යවන්නන් අතර තීක්ෂණ අංක 1 ට ළං වෙයි
    ජාත්‍යන්තර ක්‍රිකට් කවුන්සිලය විසින් ප්‍රකාශයට පත් කරන ලද නවතම එක්දින පන්දු යවන්නන්ගේ ලැයිස්තුවේ දෙවැනි ස්ථානය දක්වා ඉදිරියට පැමිණීමට ශ්‍රී ලංකා පිලේ දඟ පන්දු යවන ක්‍රීඩක මහීෂ් තීක්ෂණ සමත්ව […]
  • චරිත්ගේ විශිෂ්ඨ ශතකයෙන් ශ්‍රී ලංකාවට ලකුණු 49 ක ජයක්
    By Chamila Karawita පිත්තෙන් විශිෂ්ඨ ශතකයක් මෙන්ම අවස්ථානුකූලව පන්දු යවන්නන් යොදා ගනිමින් කණ්ඩායම හැසිරවීමට චරිත් අසලංක සමත්වීමත් නිසා ඔස්ට්‍රේලියාවට එරෙහිව කොළඹ ආර්. ප්‍රේමදාස ක්‍රීඩාංගණයේදී අද (12 දා) පැවැති පළමු […]
  • එක්දින තරගාවලිය හෝරා කීපයකින් ඇරඹෙයි
    වෝන් – මුරලි ටෙස්ට් තරගාවලියෙන් ලත් 2-0 ක තරගාවලි පරාජයේ අවමාන යම් තරමකින් අවම කර ගැනීමට ශ්‍රී ලංකා කණ්ඩායමට හිමි අවස්ථාව වන තරග 2 කින් සමන්විත එක්දින තරගාවලිය […]

Pin It on Pinterest

USD United States (US) dollar