එක්දින තරග 3 කට සහභාගිවීම සඳහා ලබන ජුනි මාසයේදී ශ්‍රී ලංකාවට පැමිණෙන ඇෆ්ගනිස්තානු කණ්ඩඩායමට එරෙහි තරගාවලිය හම්බන්තොට මහින්ද රාජපක්ෂ ක්‍රීඩාංගණයේදී පැවැත්වෙනු ඇත.

ජුනි මස 02 වැනිදා ආරම්භ වන මෙම එක්දින තරගාවලියට සහභාගිවීම සඳහා ඇෆ්ගනිස්තානු ක්‍රිකට් කණ්ඩායම මැයි මස 29 වැනිදා ශ්‍රී ලංකාවට පැමිණීමට නියමිතය.

තරගාවලියේ දෙවැනි තරගය ජුනි මස 04 වැනිදාද් තෙවැනි තරගය 07 වැනි දිනද හම්බන්තොට මහින්ද රාජපක්ෂ ක්‍රීඩාංගණයේදී පැවැත්වෙනු ඇත.

ලෝක කුසලාන ක්‍රිකට් තරගාවලියට සුදුසුකම් ලැබීම වෙනුවෙන් සිම්බාබ්වේ පැවැත්වෙන ලෝක කුසලාන සුදුසුකම් ලැබීමේ තරගාවලියට සහභාගිවීමට පෙර ශ්‍රී ලංකා පිල ක්‍රීඩා කරනු ලබන එකම එක්දින තරගාවලිය වන්නේ ඇෆ්ගනිස්තානයට එරෙහිව පැවැත්වෙන මෙම එක්දින තරගාවලිය වේ.