slc
logo
Home   |    News
ජූනි 19, 2023
ශූරයින් සහ අනුශූරයින් LPL සමාරම්භයේදී හැප්පෙති

sinhala editor

දින 22 ක කාලයක් පුරා ශ්‍රී ලංකා ක්‍රිකට් ආයතනය විසින් පවත්වනු ලබන ලංකා ප්‍රිමියර් ලීග් 2023 ක්‍රිකට් තරගාවලියේ සමාරම්භක තරගයේදී ඉකුත්වර ශූරයින් වන ජැෆ්නා කිංග්ස් සහ අනුශූරයින් බවට පත් වුණු කලම්බු ස්ට්‍රයිකර්ස් කණ්ඩායම් තරග වදිනු ඇත. මෙම තරගය ජූලි මස 30 වැනිදා ප.ව. 7.30 ට ආරම්භ වනු ඇත.

ජැ‌ෆ්නා කිංග්ස්, කලම්බු ස්ට්‍රයිකර්ස් යන කණ්ඩායම් ද්විත්වයට අමතරව ගෝල් ටයිටෑන්ස්, දඹුල්ල අවුරා සහ බී – ලව් කැන්ඩි යන කණ්ඩායම් තරග වදිති. මූලික වටයේ පැතැත්වෙන තරග 20 කින් පසු තරගාවලියේ දෙවැනි වටය වන අවසන් වටයේ තරග ආරම්භ වනු ඇත. මෙවර තරගාවලිය කොළඹ ආර්. ප්‍රේමදාස සහ පල්ලකැලේ ජාත්‍යන්තර ක්‍රීඩාංගනවලදී පැවැත්වේ.

ජූලි 30 වැනිදා කොළඹින් ආරම්භ වන මෙම තරගාවලියේ තරග 8 ක් පල්ලේකැලේ ජාත්‍යන්තර ක්‍රීඩාංගණයේදීද ඉතිරි තරග 14 කොළඹ ආර්. ප්‍රේමදාස ක්‍රීඩාංගණවලදී පැවැත්වෙනු ඇත.

පෙර තරගාවලියේ පරදිම මෙවර තරගාවලියටත් එලිමිනේටර් තරගයක් ඇතුළත් ව තිබේ. මුලික වටය අවසානයේ ප්‍රසාද ලකුණු සටහනේ පළමු සහ දෙවැනි ස්ථාන වලට පත්වන කණ්ඩායම් අතර පළමු අවසන් පූර්ව තරගය (කොලිෆයර් 1) පවත්වනු ලබන අතර ඉන් ජය වාර්තා කරන කණ්ඩායම සෘජුවම අ‌ගෝස්තු 20 වැනිදා පැවැත්වීමට නියමිත අවසන් මහ තරගය සදහා සුදුසුදම් ලබනු ඇත.

පරාජය වන කණ්ඩායමට යළි අවසන් මහ තරග වරම උදාකර ගැනීම සඳහා අවස්ථාවක් හිමිවන අතර එම තරගය අගෝස්තු මස 17 වැනිදා ප.ව. 7.30 ට පරාජිතයින් පිටුදැකීමේ තරගය හෙවත් එලිමිනේටර් තරගය පැවැත්වෙනු ඇත.

අවසන් මහ තරගය අගෝස්තු මස 20 වැනිදා  කොළඹ ආර්. ප්‍රේමදාස ක්‍රීඩාංගණයේදී පැවැත්වෙන අතර එදිනට වර්ෂාව හරස් වුවහොත් එම තරගය යළි පැවැත්වීම වෙනුවෙන් අගෝස්තු මස 21 වැනිදා අතිරේක දිනයක් ලෙසින් නම් කිරීමට ශ්‍රී ලංකා ක්‍රිකට් ආයතනය පියවර ගෙන තිබේ.

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

LKR Sri Lankan rupee