slc
logo
Home   |    News
අගෝස්තු 14, 2023
නවකයින් අපිට හොඳ සහයක් දුන්නා – චාමික

sinhala editor

කළම්බු ස්ට්‍රයිකර්ස් සහ බී – ලව් – කැන්ඩි අතර ඉරිදා (13) පැවැති තරගයෙන් කළම්බු ස්ට්‍රයිකර්ස්ට ජය ගැනීමට පැතුම් නිශ්ශංකට අමතරව නවක තරුණයන් වන නිපුන් ධනංජය සහ මතීෂ පතිරණ දැක් වූ දායකත්වය තමා ඉහළින්ම අගය කරන බව කළම්බු කණ්ඩායමට ප්‍රථමවරට නායකත්වය දුන් වේග පන්දු යවන චාමික කරුණාරත්න ප්‍රකාශ කරයි. මීට අමතරව පාකිස්තානු ජාතික 32 හැවිරිදි තුන් ඉරියව් ක්‍රීඩක ඉෆ්තිකාර් අහමඩ් පෙන්වන දක්ෂතා ද චාමික අගය කළේය.

පැතුම් සහ මතීෂ කණ්ඩායමට ඇතුළු වී සිටියත් නිපුන් ධනංජය සහ ඉෆ්තිකාර්ට කණ්ඩායමේ ස්ථානයක් දිය යුතු බවට තමා නායකයා ලෙස තමා කරන ලද ඉල්ලීම සලකා බලමින් කලමකාරීත්වය ඔවුනට එම අවස්ථා ලබා දුන් බව කී චාමික කරුණාරත්න එම ඉල්ලීමේ ප්‍රතිඵල ලැබීම පිළිබඳව තමා සතුටු වන බව ද ප්‍රකාශ කළේය.

“කැන්ඩි කණ්ඩායම පරාජය කිරීමට අපගේ ක්‍රීඩකයන් සියයට සියයක්ම දායකත්වය දීම ගැන මා සතුටු වනවා. කණ්ඩායමේ නායක නිරෝෂන් දික්වැල්ල මේ තරගයට සහභාගි නොවූයේ ඔහු ආබාධ මතම පසුගිය තරගය ක්‍රීඩා කිරීමෙන් මැහුම් පහක් දමා තිබුණු අතේ පැලුම් ස්ථානය තවත් පළල්ව තිබීම මතයි. අඟහරුවාදා (15) වන විට ඔහු සුවය ලබා සිටියහොත් ක්‍රීඩා කරාවි”  යැයි චාමික කරුණාරත්න කියයි.

“කැන්ඩි නායක වනිඳු අපගේ දඟපන්දු යවන්නන්ට ප්‍රහාරයක් එල්ල කරන බව දැනගෙනත් මා අවදානමක් ගෙන අපගේ දඟපන්දු යවන්නාව මා යෙදෙව්වා. ඒ වගේම ඔහු දවා ගැනීමට අපට අවස්ථාව උදා වූවා. ඒ උත්සාහය සාර්ථක වීම ගැනත් මා සතුටු වනවා” යි චාමික කියයි.

“නිපුන් ධනංජය සහ මතීෂ පතිරණ පිළිබඳව මා මෙහිදී යමක් කිය යුතුයි. මතීෂ වයසින් අඩුවුවත් අයි.පී.එල්. වැනි ජාත්‍යන්තර ප්‍රිමියර් ලීග් තරගාවලියන්හි දස්කම් පෙන්වා ලොව පුරා නමක් දිනූ ක්‍රීඩකයෙක්. ඔහු හොඳින් රැක බලාගතහොත් අනාගත ශ්‍රී ලංකා ක්‍රිකට් ක්‍රීඩාවේ අභිවෘද්ධියට එය හේතුවක් වේවි“

“නිපුන් තමා සහභාගි වන තරගය පිළිබඳව හොඳින් අවබෝධ කරගෙන ක්‍රීඩා කරන තරුණ ක්‍රීඩකයෙක්. ඔහු දේශීය තරගාවලියන්හි දස්කම් පෙන්වා ඇති අතරම ශ්‍රී ලංකා ඒ සහ එස්.එස්.සී. ක්‍රීඩා සමාජයට නායකත්වයත් ලබා දී සිටිනවා. මේ තරගාවලියේ ඔහු අතිරේක ක්‍රීඩකයෙකු වුවත්මේ තරගයේදී නිපුන් ලකුණු 40ක් අවශ්‍ය වේලාවේ රැස්කර කණ්ඩායමට ස්ථාවරත්වයක් ලබා දුන්නා.“ ඔහු අතිරේක අයකු ලෙසත් නිහතමානීව අපව උනන්දු කරමින් අවශ්‍ය දේ සපයමින් හා උපදෙස් දෙමින් ක්‍රියා කරනවා මා දැක තිබෙනවා. ඔහුට පැහැදිලි අනාගතයක් ඇති බව මට ස්ථිරයි” යැයිද චාමික කියයි.

බන්දුල මොල්ලිගොඩ

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

USD United States (US) dollar