slc
logo
Home   |    News
දෙසැම්බර් 2, 2023
තුන්දින ක්‍රිකට් මූලික වටයේ අවසන් සතිය

sinhala editor

ශ්‍රී ලංකා ක්‍රිකට් ආයතනය මෙහෙය වන අන්තර් සමාජ මේජර් තුන්දින ලීග් ක්‍රිකට් තරගාවලියේ මූලික වටයේ අවසාන සති අන්තයේ තරග දෙසැම්බර් 1 – 3 දක්වා පැවැත් වේ.
මූලික වටයේ තරග අතුරින් කණ්ඩායම් රැසක්ම මේ වන විට තරග නවයකට බැගින් සහභාගි වී සිටින අතර මේ දක්වා ‘ඒ ‘ කොටසෙන් එස්.එස්.සී. කණ්ඩායමත් ‘බී‘ කොටසෙන් ශ්‍රී ලංකා පොලීසියත් ඉදිරියෙන් පසුවෙති.
‘ඒ ‘ කොටසෙන් මේ වන විට එස්.එස්.සී. කණ්ඩායම ඉදිරියෙන් පසු වන්නේ තරග නවයකට සහභාගි වී ඉන් තරග තුනක් ජයගෙන එකම තරගයක්වත් පරාජය නොවී ලකුණු 97.57ක් ලබා ගනිමිනි.
 ‘බී‘ කොටසෙන් පොලීසිය ඉදිරියෙන් පසු වන්නේ තරග නවයකට සහභාගි වී ඉන් තරග තුනක් ජයගෙන එකම තරගයකින්වත් පරාජය නොවී සාමාන්‍ය ලකුණු 102.64ක් රැස් කරමිනි.
‘ඒ ‘ කොටසේ කණ්ඩායම් අතුරින් ප්‍රථම ස්ථානයේ සිට පස්වන ස්ථානය තෙක් කණ්ඩායම් පසු වන්නේ පහත දැක්වෙන අයුරිනි.
එස්.එස්.සී. (97.57) කෝල්ට්ස් (83.17) රාගම (74.18) බී.ආර්.සී. (68.64) සහ සී.සී.සී (68.59ක්) ලෙසිනි.
‘බී‘ කොටසේ කණ්ඩායම් අතුරින් ප්‍රථම ස්ථානයේ සිට පස්වන ස්ථානය තෙක් කණ්ඩායම් පසු වන අයුරු මෙසේය. ශ්‍රී ලංකා පොලීසිය (102.64) එන්.සී.සී. (95.63) ඒස් කැපිටල් (86.91) බ්ලුම්ෆීල්ඩ් (77.1) සහ ටැමිල් යුනියන් (74.24) අයුරිනි.
මේජර් තුන්දින අන්තර් සමාජ ලීග් ක්‍රිකට් තරගාවලියට මෙවර ද ශ්‍රී ලංකා ජාතික කණ්ඩායමේත් ශ්‍රී ලංකා පළමු ශ්‍රේණියේ ක්‍රීඩකයන් සියල්ලම සහභාගි විණි. මේ දක්වාම මේ තරගාවලිය තුළින් තරුණ ක්‍රීඩකයන් රැසකගේ දක්ෂතා ඉස්මතු වන අයුරු හොඳින් දැක ගැනීමට අවස්ථාව ලැබිණි.
තරගාවලියේ අවසාන මහා තරගය 7 – 10 දක්වා සිව් දින තුළදී පැවැත්වීමට නියමිතය.

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

LKR Sri Lankan rupee