කලම්බු ස්ට්‍රයිකර්ස් කණ්ඩායමේ බිනුර ප්‍රනාන්දුට ඔහුගේ තරග ගාස්තුවෙන් සියයට 20ක දඩයක් හා කැන්ඩි ෆැල්කන්ස් කන්ඩායමේ නායක වනිඳු හසරංගට ඔහුගේ තරග ගාස්තුවෙන් සියයට 25ක දඩයක් නියම කිරීමට අයිපීඑල් තරග තීරකවරු කටයුතු කළහ.

කැන්ඩි ෆැල්කන්ස් අතර පැවැති තරගයේදී ක්‍රීඩක චර්යාධර්ම පද්ධතිය උල්ලංඝණය කිරීමේ අඩුපාඩුවක් මත බිනුර ප්‍රනාන්දුට මෙම දඩය නියමවී ඇත. ඔහු විනිසුරුවරුන්ගේ උපදෙස්වලට අවනත නොවීම සම්බන්ධයෙන් වාර්තා වූ අතර එය ලංකා ප්‍රීමියර් ලීග් තරගාවලියේ චර්යාධර්ම සංග්‍රහයේ 2.4 වගන්තිය කඩ කිරීමකි. මේ සම්බන්ධව පැවැති මූලික පරික්ෂණයේදී  ක්‍රීඩකයා වරද පිළිගෙන ඇත.

එල්පීඑල් තරගාවලියේ ඇදුම් ආයිත්තම් භාවිතා කිරීමේ නීතිය උල්ලංඝණය කිරීම වනිඳු හසරංගට එල්ලවූ චෝදනාවකි. කලම්බු ස්ට්‍රයිකර්ස් – කැන්ඩි ෆැල්කන්ස් අතර පැවැති තරගයේදී මෙම සිදුවීම තරග තීරක වෙත වාර්තාවීමෙන් අනතුරුව දඩය පැනවිය.

එල්පීඑල් තරගාවලියට සහභාගිවන සියලු කණ්ඩායම්වලට අයත් වර්ණවලින් සමන්විත වෙනම ඇඳුම් ආයිත්තම් ලබාදී තිබියදී වෙනත් ඇදුම් ආයිත්තම් පැළදීම සිදු නොකළ යුත්තකි.