slc
logo
Home   |    News
ජූලි 13, 2024
ශ්‍රී ලංකාවේ තණතිලි විශිෂ්ටයි – ඔමාර්සායි

sinhala editor

ලංකා ප්‍රිමියර් ලීග් ක්‍රිකට් තරගාවලියකදී ප්‍රථම වතාවට තරගයේ දක්ෂතම ක්‍රීඩකයා ලෙස තේරීම පිළිබඳව තමා දැඩි සතුටට පත්ව සිටින බව ජැෆ්නා කින්ග්ස් කණ්ඩායමේ අංක හත පිතිකරු අස්මතුල්ලා ඔමාර්සායි ගෝල් මාවල්ස් සමඟ පැවැති තරගයෙන් පසුව ප්‍රකාශ කළේය.

ජැෆ්නා කින්ග්ස් කණ්ඩායම මේ තරගයේදී කඩුලු පහක ජයක් අත්කර ගත් අතර 25 හැවිරිදි අස්මතුල්ලා ඔමාර්සායි පන්දු 13කට මුහුණ දී හතරේ පහර හතරක් හයේ පහර දෙකක් සමඟ නොදැවී ලකුණු 35ක් ලබා සිටියේය. අස්මතුල්ලා සමඟ නායක චරිත් අසලංක හයවන කඩුල්ලට නොදැවී තැබු සබඳතාවය පන්දු 19කදී (ඕවර තුනයි පන්දුවයි) ලකුණු 49කි.

අස්මතුල්ලා ඔමාර්සායි ඇෆ්ගනිස්තාන ජාතික කණ්ඩායමේ ප්‍රබල තුන් ඉරියව් ක්‍රීඩකයකු වන අතර ඔහු ගෝල් සමඟ තරගයේ පන්දු යැවීමේදී ද දක්ෂතා දැක් වුයේ ලකුණු 33කට කඩුලු දෙකක් දවාලමිනි.

“ශ්‍රී ලංකාවේ තණතිලි පිළිබඳව මා ඉතාමත් සතුටු වනවා. මුලින් පන්දුවට පහර දෙන කණ්ඩායම ලකුණු 180ක් රැස් කළත් දෙවනුවට පන්දුවට පහර දෙන කණ්ඩායමට ඒ පිටු පස හඹාගොස් ජයගත හැකි ලෙස මෙහි සෑදී ඇති තණතිලි විශිෂ්ටයි.“

“මෙය මගේ ප්‍රථම එල්.පී.එල්. තරගාවලිය මෙන්ම එල්.පී.එල්. තරගාවලියක තරගයක දක්ෂතම ක්‍රීඩකයා වූ ප්‍රථමවතාව ද මෙයයි. මට පන්දු 13කදී නොදැවී ලකුණු 35ක් රැස් කිරීමට හැකි වුයේ තණතිලි පිතිකරුවනට වාසිදායක වූ නිසයි.“

මෙහි ක්‍රීඩාංගණවල ඈත පෙදෙස්වල පන්දුව ගමන් කරන්නේ ද වේගයකින් (Fast Outfield) මෙයින් පෙන්නුම් කරන්නේ පිතිකරුවනට ඉතා වාසිදායක වන බවයි. මෙවැනි තණතිලි සහ ක්‍රිඩාංගණවල ක්‍රීඩා කිරීමට තමා ඇලුම් කරන බව ද ඔමාර්සායි පවසයි.

Active filters

Recent Posts

  • ඔස්ට්‍රේලියානු ‘ඒ‘ පිතිකරුවෝ සෙමින් ලකුණු රැස් කරති
    ශ්‍රී ලංකා ‘ඒ‘ ක්‍රිකට් කණ්ඩායමට එරෙහිව ඩාර්වින් නුවර පැවැත්වෙ පළමු සිව්දින ක්‍රිකට් තරගයේ දෙවැනි දිනය වූ අද (14 දා) තරගය නිමා කරද්දී සිය පළමු ඉනිම ක්‍රීඩා කරමින් සිටින ඔස්ට්‍රේලියානු […]
  • රනේෂ්ගේ ශතකයෙන් ඒස් කැපිටල්ට ජය
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ ප්‍රධානතම එක්දින ක්‍රිකට් තරගාවලිය යටතේ පානදුර ක්‍රීඩා සමාජයට එරෙහිව පැවැති තරගයේදී තියුණු තරගයකින් පසු ලකුණු 10 ක ජයක් වාර්තා කිරීමට ඒස් කැපිටල් […]
  • සොනාල් දිනූෂගෙන් සටන්කාමී ශතකයක්
    සංචාරක ශ්‍රී ලංකා ‘ඒ‘ ක්‍රිකට් කණ්ඩායම හා ඔස්ට්‍රේලියා ‘ඒ‘ ක්‍රිකට් පිල අතර, ඔස්ට්‍රේලියාවේ ඩාර්වින් හි මරාරා ඕවල් ක්‍රීඩාංගණයේ පැවැත්වෙන පළමු නිල නොවන ටෙස්ට් ක්‍රිකට් තරගයේ පළමු දිනයේ කැපී […]
  • දෙවැනි තරගයෙන් ශ්‍රී ලංකාව පසුබසියි
    සත්කාරක ශ්‍රී ලංකා කණ්ඩායමට වඩා තුන් ඉරියව්වෙන්ම බංග්ලාදේශ ක්‍රීඩකයින් ඉදිරියෙන් සිටීම නිසා රංගිරි දඹුලු අන්තර්ජාතික ක්‍රිකට් ක්‍රීඩාංගණයේදී අද (13 දා) පැවැති දෙවැනි පන්දුවාර විස්සයි-20 තරගයෙන් ලකුණු 83 ක පරාජයක් අත්විඳීමට […]
  • දෙවැනි විස්සයි-20ට පෙර ශ්‍රී ලංකා පිලේ පන්දු රැකීම ගැන පන්දු රැකීමේ පුහුණුකරුගේ තක්සේරුව
    ගෙවී ගිය වසර කීපය තුළ ශ්‍රී ලංකා කණ්ඩායමේ පන්දු රැකීමේ අංශය පිළිබඳව එතරම් සෑහීමකට පත්විය නොහැකි බව නොරහසකි. එබැවින් ශ්‍රී ලංකා කණ්ඩායමේ පන්දු රැකීමේ ප්‍රමිතිය වැඩි දියුනු කිරීම කෙරෙහි […]

Pin It on Pinterest

LKR Sri Lankan rupee