slc
logo
Home   |    News
ඔක්තෝබර් 3, 2019
ලංකා ක්‍රිකට් ක්‍රීඩිකාවනට අත්දැකීම් රැසක්, ඕස්ට්‍රේලියාව 3-0කින් ජයගනී

Sri Lanka Cricket

සිඩ්නි ඕවල් ක්‍රීඩාංගණයේ පැවැති ශ්‍රී ලංකා ඕස්ට්‍රේලියා කාන්තා තෙවන 20-20 තරගයද ජයගත් ඕස්ට්‍රේලියා කාන්තා කණ්ඩායම තරගාවලිය ජය ගත්තේ 3-0ක් ලෙසිනි.

මාස හයකට පසුව ජාත්‍යන්තර ක්‍රිකට් තරගාවලියකට සහභාගිවූ ශ්‍රී ලංකා කාන්තා කණ්ඩායම ලෝක සූරියන් වන ඕස්ට්‍රේලියාව වෙතින් පරාජය වුවත් එම තරගාවලියෙන් අත්දැකීම් රැසක්ම ලබාගැනීමට සමත්විණි. ශ්‍රී ලංකා නායිකා චමරි අතපත්තු තෙවන තරගයේදීද ලකුණු 30ක් ලබා කණ්ඩායමේ වැඩිම ලකුණු ලාභිනිය වූ අතර මේ තරගාවලියේ ඇයගේ ඉනිමක සමාන්‍ය ලකුණු සංඛ්‍යාව 53ක් වැනි ඉහළ මට්ටමක පැවැතිණි. තෙවන තරගයේදී ඕස්ට්‍රේලියා කණ්ඩායමේ දැවීගිය කඩුලු දෙකම චමරි අතපත්තු දවාගත්තේ තමාගේ නියමීත ඕවර හතරේ දී ලකුණු 27ක් පමණක් දීමෙනි.

තෙවන 20-20 තරගයේදී මුලින් පන්දුවට පහරදුන් ඕස්ට්‍රේලියා කණ්ඩායම කඩුලු දෙකකට ලකුණු 226ක් ලබාගත් අතර එය ඕවරයකට 11.3ක සාමාන්‍යයකි. ආරම්භක පිතිකාරිණිය ඇලිසා හීලී පන්දු 61කදී හයේ හතක් හා හතරේ 19ක් සමග නොදැවී ලකුණු 148ක් රැස්කර 20-20 තරගයක පිතිකාරිණියක ලැබූ වැඩිම ලකුණු ලබා ලෝක වාර්තාව පිහිටුවුවාය. හීලි සහ නායිකා ලැනිනි තෙවන කඩුල්ලට නොදැවී ලකුණු 58ක් ලබාගත්තේ ඕවර 3.2කදීය.

ශ්‍රී ලංකා කාන්තා කණ්ඩායම ඕවර 20 අවසානයේ කඩුලු හතකට ලකුණු 94ක් ලබාගත්තේ ඕවරයකට 4.7ක සාමාන්‍යයකිනි. ලකුණු දහය ඉක්මවූයේ නායිකා චමරි අතපත්තු (ලකුණු 30යි පන්දු 39යි හතරේ පහයි) හර්ෂිකා මාධවී (ලකුණු 28යි පන්දු 33යි හතරේ පහයි) හා ශෂිකලා සිරිවර්ධනය (ලකුණු 11යි පන්දු 9යි හතරේ දෙකයි) දෙවන විකට්ටුවට චමරි සහ මාධවී ලකුණු 46ක් ලබාගත්තේ ඕවර අටක් තුළදීය.

ලකුණු විස්තරය

  • ඕස්ට්‍රේලියාව ඕවර 20දී කඩුලු 2ට 226යි.

ඇලිසා හීලී 148, රසෙල් හේන්ස් 41, චමරි අතපත්තු 27ට 2

  • ශ්‍රී ලංකාව ඕවර 20දී කඩුලු 7ට 94යි.

චමරි අතපත්තු 30යි, හර්ෂිකා මාධවී 28, ශෂිකලා සිරිවර්ධන 11, ජේ.කේරි 15ට 3යි.

බන්දුල මොල්ලිගොඩ

-The opinions expressed here are the views of the writer and do not necessarily reflect the views and opinions of Sri Lanka Cricket-

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

USD United States (US) dollar