slc
logo
Home   |    News
පෙබරවාරි 28, 2023
බාළිකාවන්ට ඉදිරියට එන්න හොඳ වේදිකාවක් නිර්මාණය වෙලා තියෙනවා – ශෂිකලා සිරිවර්ධන

sinhala editor

මෙරට ක්‍රිකට් ක්‍රීඩිකාවනට ඉතා ඉක්මණින්ම ජාතික තලයට යෑම සඳහා දැන් පෙරට ඉතා හොද වේදිකාවක් ශ්‍රී ලංකා ක්‍රිකට් ආයතනය විසින් සලසා දී ඇතැයි අවුරුදු 19න් පහළ ශ්‍රී ලංකා පිලේ පුහුණුකාරිණිය වන ශෂිකලා සිරිවර්ධන පවසා සිටින්නීය.

වෙනදා මෙන් නොව බාළිකාවන්ට පාසල් මට්ට‌මේ තරගාවලියන්ට අමතරව අන්තර් දිස්ත්‍රික් මෙන්ම පළාත් මට්ටමින් තරාගවලිවලට ක්‍රීඩා කිරීමටත්, ඊට අමතරමව පුහුණුවීම්, ශාරීරික යෝග්‍යතා මෙන්ම පෝෂණ වැඩපිළිවල් රැසක්ම ශ්‍රී ලංකා ක්‍රිකට් ආයතනය විසින් මේ වන විටත් අංග සම්පූර්ණවම සලසා දී තිබෙන හෙයින් පෙර වඩා ක්‍රීඩිකාවන්ගේ නැඹුරුවීමක් මෙන්ම වැඩි දක්ෂතා ඉදිරියේදී අපේක්ෂා කළ හැකි බවද ඇය වැඩිදුරටත් සඳහන් කර සිටින්නීය.

ඉතිහාසයේ මුල් වතාවට පසුගිය දා දකුණු අප්‍රිකාවේදී නිමාව දුටු අවුරුදු 19න් පහළ බාලිකා ලෝක කුසලාන තරගාවලිය සඳහා සහභාගිවුණු ශ්‍රී ලංකා කණ්ඩායමේ ශ්‍රී ප්‍රධාන පුහුණුකාරිනිය ලෙසින් කටයුතු කරන ලද ශෂිකලා සිරිවර්ධන එම තරගාවලියේ දී ක්‍රීඩිකාවන් වෙනදාට වඩා හොඳින් ක්‍රීඩා කළ බවත් අනාගතයේ එම වයස් කාණ්ඩය යටතේ සෙසු රටවලට අභියෝගයක් කිරීමේ හැකියාව ඇති බව තමන් විශ්වාස කරන බවද ඇය සඳහන් කර සිටියාය.

“දකුණු අප්‍රිකාවේ තිබුණු ලෝක කුසලාන තරගාවලියට පෙර පැවැති පුහුණු තරග දෙකම අප ජය ලැබුවා.  ලෝක කුසලාන තරගාවලියේ මූලික වටයේ අප ඇමෙරිකාව පරාජය කළ අතර බංග්ලාදේශයට පැරැදුනේ ලකුණු දහයකින්. මූලික වටයේ අවසන් තරගයේ දී සත්කාරක දකුණු අප්‍රිකාව හමුවේ අපි පරාජයට පත් වුණේ ලකුණකින්” යැයි ශෂිකලා සිය කණ්ඩායම දක්වන ලද දක්ෂතා පිළිබඳව අදහස් දක්වා සිටියාය.

“බාලිකා ක්‍රිකට් ක්‍රීඩාවේ ඉදිරියෙන්ම සිටින රටවල් වන්නේ ඔස්ට්‍රේලියාව සහ ඉන්දියාවයි..  දක්ෂතා අතින් අප දැනට දෙවන කොටසේ රටවල් සමග කරට කර සිටියත් නව සැලසුම් මත අපට තවත් ඉහළට යා හැකියි” යැයි ද ශෂිකලා පවසයි.

ලෝක කුසලාන තරගාවලියට සහභාගි වූ ශ්‍රී ලංකා ක්‍රීඩිකාවන්ගේ වයස්වල සාමාන්‍යය වයස අවුරුදු 15-16 ත් අතර වෙනවා.  ඒ තරගාවලියට සහභාගි වූ ලාබාලම කණ්ඩායමත් අපේ කණ්ඩායමයි.  මේ ක්‍රීඩිකාවන් හත් දෙනෙකුට ම 2025 වසරේ ලෝක කුසලාන තරගාවලියටත් තරග කරන්න පුළුවන්.  අපේ කණ්ඩායම ඒ වන විට ඉතාමත් ප්‍රබල තත්ත්වයක සිටිනවා” යැයි  19න් පහළ පුහුණුකාරිනිය පැවසුවාය.

19න් පහළ කණ්ඩායමේ නායිකාව විශ්මි ගුණරත්න, දෙව්මි විහංගා, නෙත්මි සේනාරත්න, මනුදි නානායක්කාර, සහ විදුෂිකා පෙරේරා ලෝක කුසලාන තරගාවලියේදී හොඳින් දක්ෂතා අතර සිටි බව කී ශෂිකලා එම ක්‍රීඩිකාවන් කිහිප දෙනෙකු නුදුරේදීම දී ජාතික කණ්ඩායමට ඇතුළත් වනු ඇතැයි බවද සඳහන් කර සිටියාය.

“නවක ක්‍රීඩිකාවක් වුවත්, දෙව්මි විහංගා තුන් ඉරියව්වේම ඉතාම හොඳින් දස්කම් දැක්වූවා.  පන්දු යැවීමේ දී වඩාත් කැපී පෙනුණු ඇය තරග කිහිපයක දී ම ලකුණු රැස් කිරීමේදීත් දක්ෂතා අතර සිටියා.  ඉදිරි දිනවලදී ජ්‍යෙස්ඨ ක්‍රීඩිකාවන් සමගත් ඇයට දක්ෂතා දැක්වීමට අවස්ථාව උදා වුවහොත් ඇයට ජාතික තලයට පහසුවෙන්ම පිවිසිය හැකියි” යැයි ද ශෂිකලා සිරිවර්ධන සඳහන් කරයි.

සමස්තයක් වශයෙන් ඉහත කරුණු කාරනා සලසාදීමට ශ්‍රී ලංකා ක්‍රිකට් ආයතනය පියවර ගැනීමත් සමඟ බාලිකා ක්‍රිකට් ක්‍රීඩාවේ පිබිදීමක් මේ වන විට දිවයින පුරාම ඇති වී ඇතැයි පවසන හිටපු නායිකාව ක්‍රිකට් ආයතනය විසින් ලබාදෙනු ලබන සියලු පහසුකම් ප්‍රයෝජනයට ගනිමින් හොඳින් පුහුණුව ලදහොත් බාළිකා ක්‍රිකට් ක්‍රීඩාව ඉතා හොද තැනකට රැගෙන ඒමට හැකියාව ලැබෙනු ඇති බව තමා විශ්වාස කරන බවද වැඩිදුරටත් සදහන් කර සිටින්නීය.

  • බන්දුල මොල්ලිගොඩ

 

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

USD United States (US) dollar