Chamila Karawita reporting from Dambulla

ලයිසියම් ජාත්‍යන්තර පාසල නියෝජනය කරමින් අවුරුදු 19 න් පහළ ශ්‍රී ලංකා කණ්ඩායමට ඒක්ව සිටින වේග පන්දු යවන ගරුක සංකෙත් කඩුලු 5 ක් දවා ගැනීමට සමත්වීමත් සමඟ රංගිරි දඹුලු අන්තර්ජාතික ක්‍රීඩාංගණයේදී අද (27 දා) ආරම්භ වුණු පළමු පන්දුවාර 50 තරගයේදී බටහිර ඉන්දීය කොදෙව් වයස අවුරුදු 19 න් පහළ කණ්ඩායම ලකුණු 223 කට සීමා කිරීමට ශ්‍රී ලංකා යොවුන් කණ්ඩායමට හැකියාව ලැබිණ.

ආරම්භක පන්දු යවන්නා ලෙසින් කටයුතු කරන ලද දකුණත් වේග පන්දු යවන ගරුක සංකෙත් පළමු පන්දු යැවීමේ වාරයේදී පන්දුවාර 3 ක් ක්‍රියාත්මක කළද කඩුලු දවා ගැනීමට හැකියාවක් නොලැබිණ. ඒහෙත් 18 වැනි පන්දුවාරයේදී නැවත පන්දු යැවීමට පැමිණි සංකෙත් සාර්ථක වෙමින් යවන ලද පන්දුවාර 5 දී ලකුණු 17 කට කඩූ 4 ක් දවා ගැනීමට සමත්විය.

ගරුකගේ මෙම පන්දු යැවීම නිසා කඩුලු 2 කට ලකුණු 82 ක් වශයෙනි තිබූ කොදෙව් ලකුණු ුවරුව ලකුණු 96 දී කඩුලු 6 ක් ලෙසින් සටහන් විය. ඒතැන් පටන් පිටියට ඒක් වූ නේතන් සීලි (75) සහ ටරික් ඒඩ්වර්ඩ් (27) 7 වැනි කඩුල්ල වෙනුවෙන් වටිනා ලකුණු 74 ක සම්බන්ධතාවත් පවත්වමින් කොදෙව් ලකුණු පුවරුව 200 ඔබ්බට රැගෙන යෑමයට අවශ්‍ය අඩිතාලම ඒක් කළහ. පන්දු 104 ක් ඒම සම්බන්ධතාව සඳහා වැය වුණිද කොදෙව් කණ්ඩායම සටනක් දිය ලකුණු සංඛ්‍යාවක් කරා යෑමට ඒය කදිමට ඉවහල් විය.

ගරුකට අමතරව පන්දුවෙන් දස්කම් දැක්වූ අනෙක් වේග පන්දු යවන්නා වන දිනුර කලුපහන ලකුණු 45 කට කඩුලු 3 ක් දවා ගත්තේය. ඒ් හැරුණු විට විශ්ව ළහිරු සහ මල්ෂ තරුපති ඒක් කඩුල්ල බැගින් දවා ගත්හ.

ඉනිමේ වැඩි ලකුණු ලාභියා‌ වූයේ නේතන් සීලිය. ඔහු පන්දු 82 කදී ලකුණු 75 ක් ලබා ගත්තේ හයේ පහර 3 ක් සහ හතරේ පහර 5 ක් තම ඉනිමට ඇතුළත් කරමිනි.