ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 23 න් පහළ කාන්තා පන්දුවාර විස්සයි-20 ක්‍රිකට් තරගාවලිය යටතේ අද (17 දා) පස්වරුවේ පැවැත්වීමට නියමිතව තිබූ තරග 2 ම අයහපත් කාලගුණය හේතුවෙන් අතහැර දැමීමට විනිසුරුවරුන්ට සිදුවිය.

අද දිනයේදී කැන්ඩි පිල ගාල්ල කණ්ඩායම සමඟින් පැැවති තරගය පන්දුවක් හෝ යැවීමට මත්තෙන් අතහැර දැමුණු නමුත්, දඹුල්ල කණ්ඩායම කොළඹ කණ්ඩායම අතර තරගය එක් ඉනිමක් පන්දුවාර 15.5 කට සීමා විය. පළමුව පන්දුවට පහර දුන් දඹුල්ල කණ්ඩායම කඩුලු 6 ක් දැවී ලකුණු 38 ක් ලබා අසීරු තත්ත්වයක පසුවද්දී තරගයට වර්ෂාවෙන් බාධා ඇතිවිය. කෙසේ වෙතත් දිගින් දිගටම අයහපත් කාලගුණය තරගයට බලපෑම් ඇති කළ හෙයින් එකම පන්දුවක් හෝ යැවීම අවස්ථාව නොලැබීණ.