ශ්‍රී ලංකා ක්‍රිකට් ආයතනය විසින් පවත්වනු ලබන ලංකා ප්‍රිමියර් ලීග් ක්‍රිකට් තරගාවලිය නියෝජනය කරන ලද කලම්බු ස්ට්‍රයිකර්ස් සහ ජැෆ්නා කිංග්ස් කණ්ඩායම් අතර පැවැති හවුල්කාරීත්වය අවසන් කිරීමට ශ්‍රී ලංකා ක්‍රිකට් ආයතනය පියවර ගෙන තිබෙන බව නිල වශයෙන් නිවේදනය කර සිටියි.
තරගාවලියට සහභාගිවීමට පෙර ආරම්භයේදී ඇතිකරගන්නා ලද ගිවිසුම් ප්‍රාකාරව කටයුතු කිරීමේදී ඔවුන් එම ගිවිසුම්ගත බැඳීම් ඉටු කිරීමට අපොහොසත්වී තිබෙන බව තරගාවලියේ මෙහෙයුම් කටයුතු සිදුකරනු ලබන අයි.පී.ජී. සමූහය විසින් ශ්‍රී ලංකා ක්‍රිකට් ආයතනය දැනුම්වත් කිරීමෙන් අනතුරුව මෙම තීරණය ගැනීමට ශ්‍රී ලංකා ක්‍රිකට් පියවර ගෙන තිබේ.
ඉහත සඳහන් කරුණු හේතුවෙන් ඉදිරියේදී පැවැත්වෙන ලංකා ප්‍රිමියර් ලීග් ක්‍රිකට් තරගාවලියේදී කොළඹ සහ යාපනය නියෝජනය කරනු ලබන කණ්ඩායම් වෙුවෙන් නව හිමිකරුවන් සෙයා ගනිමින් තරගාවලිය වඩාත් ගුණාත්මක භාවයකින් යුක්තව කටයුතු කිරීමට ශ්‍රී ලංකා ක්‍රිකට් මෙන්ම අයි.පී.ජී. සමූහය සැලසුම් සකස් කර තිබේ.
තරගාවලියේ පැවැත්වීමේ හිමිකරු ලෙස අයි.පී.ජී. සමූහයට කණ්ඩායම් වල හිමිකාරීත්වය පිළිබඳව උනන්දුවක් දක්වනු ලබන පාර්ශ්වයන්ට පැවරීම හෝ පැවරීමේ බලය ඔවුන් සතුව ඇත.
