ශ්‍රී ලංකා ක්‍රිකට් ආයතනය විසින් සංවිධානය කරනු ලබන වයස අවුරුදු 23 න් පහළ අන්තර් සමාජ නැගීඑන කණ්ඩායම් අතර දෙදින තරගාවලිය හෙට (05 වැනිදා) ආරම්භ වනු ඇත.

ක්‍රීඩා සමාජ 26 කගේ සහභාගිත්වයෙන් පැවැත්වෙන මෙවර තරගාවලියේදී ‘ඒ‘, ‘බී‘, ‘සී‘ සහ ‘ඩී‘ කාණ්ඩ යටතේ මූලික වටයේ තරග පැවැත්වෙනු ඇත. ලීග් ක්‍රමය යටතේ පැවැත්වෙන එම තරග වටය අවසානයේ ප්‍රසාද ලකුණු සටහනේ පෙරමුණ ගනු ලබන කණ්ඩායම් 2 පිළිමළුන්ගේ තරග වටය හෙවත් අර්ධ අවසන් පූර්ව තරග වටයට සුදුසුකම් ලබනු ඇත.

තරගාවලියේ අවසන් මහ තරගය සැප්තැම්බර් මස 23 සහ 24 යන දෙදින පැවැත්වෙනු ඇත. ඉකුත් වර පැවැති මෙම තරගාවලියේ ශූරතාව දිනා ගැනීමට ඒස් කැපිටල් කණ්ඩායම සමත් වද්දී අනුශූරතාව මුවර්ස් කණ්ඩායමට හිමිවිය.

‘ඒ‘ කාණ්ඩය – ඒස් කැපිටල්, බී.ආර්.සී., බදුරලිය, නුගේගොඩ, මැලේ, යුනයිටඩ් සදර්න්, යුද හමුදාව

‘බී‘ කාණ්ඩය – මුවර්ස්, චිලව් මේරියන්ස්, එන්.සී.සී., සෙබස්තියනයිට්ස්, නාවික හමුදාව, මොරටුව.

‘සී‘ කාණ්ඩය – කෝල්ට්ස්, සී.සී.සී., පානදුර, රාගම, නිගම්බු, ලියෝ.

‘ඩී‘ කාණ්ඩය – ටැමිල් යුනියන්, කුරුණෑගල යූත්, බ්ලූම්ෆීල්ඩ්, පොලිස්, එස්. එස්. සී., කැන්ඩි කස්ටම්ස්, ගෝල්.