ශ්‍රී ලංකා ක්‍රිකට් ආයතනය විසින් සංවිධානය කරන ගවනර්ස් කප් (ආණ්ඩුකාර කුසලාන) අන්තර් සමාජ එක්දින පන්දුවාර ක්‍රිකට් තරගාවලිය යටතේ කෘෂේඩර්ස් ක්‍රීඩා සමාජය සහ සරසන්ස් ක්‍රීඩා සමාජය ජයග්‍රහණ ලබා ගත්හ.

කොළඹ බී.ආර්.සී. ක්‍රීඩාංගණයේ දී අද (21) පැවැති කෘෂේඩර්ස් ක්‍රීඩා සමාජය හා කළුතර නගර කණ්ඩායම අතර තරගයේ දී, ප්‍රථමයෙන් පන්දුවට පහර දුන් කළුතර නගර කණ්ඩායම පන්දුවාර 34 අවසානයේ සියලුදෙනා දැවී ලකුණු 136ක් ලබා ගත්තේය. එයට පිළිතුරු ලෙස කෘෂේඩර්ස් ක්‍රීඩා සමාජය පන්දුවාර 29.4ක දී කඩුලු 3ක් පමණක් අහිමි කරමින් ලකුණු 137ක් රැස් කර කඩුලු 7කින් ජයග්‍රහණය වාර්තා කළේය. තරගයේ දක්ෂතම ක්‍රීඩකයා ලෙස සෙත්රු ප්‍රනාන්දු තේරුණි.

පාණදුර මහජන ක්‍රීඩාංගණයේ දී සඳුදා (20) පැවැති සරසන්ස් ක්‍රීඩා සමාජය හා කළුතර නගර කණ්ඩායම අතර තරගයේ දී, කළුතර කණ්ඩායම පන්දුවාර 44ක දී සියලුදෙනා දැවී ලකුණු 174ක් රැස් කළේය. එයට පිළිතුරු ලෙස සරසන්ස් ක්‍රීඩා සමාජය පන්දුවාර 45 අවසානයේ කඩුලු 7ක් අහිමි කරමින් ලකුණු 175ක් ලබා ගනිමින් කඩුලු 3ක ජයක් හිමි කර ගත්තේය. තරගයේ දක්ෂතම ක්‍රීඩකයා ලෙස ඩෙලන් පීරිස් තේරුණි.

කෘෂේඩර්ස් කණ්ඩායම ජයග්‍රහණය සඳහා ලකුණු 137ක් හඹා යාමේදී, සිව්වන කඩුල්ල සඳහා ස්ටීවන් පීරිස් (නොදැවී 41) සහ අසීම් මොහමඩ් (නොදැවී 29) එක්ව ලකුණු 67ක නොබිඳි සබඳතාවක් ගොඩනඟා ජයග්‍රහණය තහවුරු කළහ.

තරග විස්තර:

කෘෂේඩර්ස් ක්‍රීඩා සමාජය කඩුලු 7කින් කළුතර නගර කණ්ඩායම පරාජය කරයි
කළුතර නගර කණ්ඩායම – පන්දුවාර 34ක දී සියල්ල දැවී ලකුණු 136
(ශ්‍රීතාර සරත්චන්ද්‍ර 34, නෙත්මල් ද සොයිසා 32, දෙනෙත් පීරිස් 21; සඳරු ඩයස් 3/10, මෝදිත වීරසිංහ 3/35, සෙත්රු ප්‍රනාන්දු 2/31)

කෘෂේඩර්ස් ක්‍රීඩා සමාජය – පන්දුවාර 29.4ක දී කඩුලු 3ක් දැවී ලකුණු 137
(ස්ටීවන් පීරිස් නොදැවී 41, තාමර කාරියවසම් 35, අසීම් මොහමඩ් නොදැවී 29; ෂනාල් බිනුෂ්ක 1/26)
තරගයේ දක්ෂතම ක්‍රීඩකයා – සෙත්රු ප්‍රනාන්දු

සරසන්ස් ක්‍රීඩා සමාජය කඩුලු 3කින් කළුතර නගර කණ්ඩායම පරාජය කරයි
කළුතර නගර කණ්ඩායම – පන්දුවාර 44ක දී සියල්ල දැවී ලකුණු 174
(තරුෂ රණසිංහ 46, ෂෙවාන් වෙල්ගම 43, දෙනෙත් පීරිස් 20; කමලරාසන් අයියර් 2/13, ධනුෂ්ක මධුශංක 2/7, අමිත දාබරේ 2/46)

සරසන්ස් ක්‍රීඩා සමාජය – පන්දුවාර 45ක දී කඩුලු 7ක් දැවී ලකුණු 175
(ශිහාන් ප්‍රනාන්දු 34, ඩෙලන් පීරිස් 31, චමත් ගෝමස් නොදැවී 29; ෂනාල් බිනුෂ්ක 2/18)
තරගයේ දක්ෂතම ක්‍රීඩකයා – ඩෙලන් පීරිස්