slc
logo
Home   |    News
ජූලි 31, 2023
ලංකා ප්‍රිමියර් ලීග් සිව්වැන්න ගාම්භීර පූර්වකව ඇරැඹේ

sinhala editor

දේශීය සංස්කෘතියට මුල්තැනක් දෙමින් දෙස් විදෙස් ජනප්‍රිය ක්‍රිකට් ක්‍රීඩකයන් රැසක සහභාගිත්වයෙන් යුත් සිව්වන ලංකා ප්‍රිමියර් ලීග් තරගාවලිය අද (30) මාළිගාවත්ත ආර්.ප්‍රේමදාස ක්‍රීඩාංගණයේදී ආරම්භ වූයේ ගාම්භීරවූ සාමාරම්භක උලෙළකිනි.

ලංකා ප්‍රිමියර් ලීග් තේමා ගීතය “ක්‍රිකට් ලොව කළඹා එක්ව ජයගමු“, සිංහ ලෝකයේ සිංහයා බලා ඉන්නේ ඔබ දිහා“, “මැණිකේ මගේ හිතේ“ යනාදී ක්‍රිකට් ක්‍රීඩා ලෝලීනගේ හදවතට සමීප ගීත සහ ගැයුම් ද ජැෆ්නා, කළම්බු, කැන්ඩි, ගෝල් සහ දඹුල්ල ප්‍රදේශයන් නියෝජනය කරන කණ්ඩායම් ආශ්‍රිත පළාත්හි සංස්කෘතිය ඔප් නංවන නැටුම් අංගයන්ගෙන් ද සමාරම්භක උලෙළ විචිත්‍රවත් විණි.

සමාරම්භක උලෙළ තවත් විචිත්‍රවත් වූයේ උඩරට, පහතරට නැටුම්, දේශීය සහ විදේශීය සම්මිශ්‍රණ වාදනයන් සහ ගිණිකෙළි සංදර්ශනයන්ගෙනි. කණ්ඩායම් පහේ නායකයන් පිටියට පිවිසියේ තම පෙදෙස්හි සංස්කෘතියට සහ ආගමට මුල්තැනක් දෙන විවිධ වූ වතාවන් සිහිපත් කරවමිනි.

ලොව පුරා රටවල් රැසක සංවිධානය වන ප්‍රිමියර් ලීග් තරගාවලියන්ට නොදෙවැනි ලෙස සංවිධානය කර අද (30) කොළඹ නගරයේදී ආරම්භ වූ සිව්වැනි ලංකා ප්‍රිමියර් ලීග් තරගාවලියේ ක්‍රීඩකයන්ගේ දක්ෂතා විවිධ විකාශන මාර්ගයෙන් නරඹන සහ සවන්දෙන පිරිස කෝටි සංඛ්‍යාවකි.

ලංකා ප්‍රිමියර් ලීග් තරගාවලිය සිව්වන වතාවටත් සාර්ථකව සංවිධානය කළ ශ්‍රී ලංකා ක්‍රිකට් ආයතනයේ සභාපති ෂම්මි ද සිල්වා, ලේකම් මොහාන් ද සිල්වා, ප්‍රථම එල්.පී.එල්. තරගාවලියේ සම සභාපති අනිල් මොහාන් 2023 ලංකා ප්‍රිමියර් ලීග් තරගාවලියේ තරගාවලි අධ්‍යක්ෂ සමන්ත දොඩංවල යන මහත්වරු සමාරම්භක උලෙළට ප්‍රධාන ආරාධිතයන් ලෙස සහභාගි වූ අතර අලංකෘත වූ කුසලානය නිරාවරණය කරන ලද්දේ ද ඔවුනගේ ප්‍රධානත්වයෙනි.

තරගාවලිය නැරැඹීමට ද 15,000 කට ප්‍රේක්ෂකයන් රැසක් පැමිණ සිටි අතර තරගයෙන් ලැබෙන ආදායමෙන් කොටසක් මහරගම අපේක්ෂා රෝහලේ රෝගීන් සඳහාත්, රෝගීන් සඳහා අවශ්‍ය ඖෂධ ලබා ගැනීම සඳහාත් පිරිනැමීමට ක්‍රිකට් ආයතනය තීරණය කර තිබිම මෙම තරගාවලියේ ඇති සුවිශේෂීත්වයක් වේ.

ලංකා ප්‍රිමියර් ලීග් තරගාවලිය සමාරම්භයේ සිටම වසරින් වසරම වැඩි ප්‍රගතියක් අත්කරගෙන ඇති අතර 2023 වසර ඒ සියල්ල අභිබවා යනු ඇතැයි තරගාවලි අධ්‍යක්ෂ සමන්ත දොඩංවල මහතා සමාරම්භක උත්සවයේදී සඳහන් කර සිටියේය.

Active filters

Recent Posts

  • පළමු විස්සයි-20 න් ශ්‍රී ලංකාවට කඩුලු 7 ක ජයක්
    කඩුලු දවා ගැනීමට වඩා ලකුණු නවාතාලීම උපක්‍රමය ලෙසින් භාවිතා කිරීමට සමත්වීමත්, ආරම්භක පිතිකරුවන් වූ කුසල් මෙන්ඩිස් සහ පැතුම් නිස්සංකගේ වේගවත් ආරම්භයත් හේතුවෙන් පල්ලේකැලේ ජාත්‍යන්තර ක්‍රීඩාංගණයේදී අද (10 දා) රාත්‍රියේ […]
  • ‘ඒ‘ තරගාවලියේ ජය ඔස්ට්‍රේලියාවට
    ඔස්ට්‍රේලියාවේ තරග සංචාරයක නිරතව සිටින ශ්‍රී ලංකා ‘ඒ‘ කණ්ඩායම සහ ඔස්ට්‍රේලියානු ‘ඒ‘ කණ්ඩායම අතර පැවැති තෙවැනි නිල නොවන එක්දින තරගයෙන් කඩුලු 7 ක ජයක් වාර්තා කළ සත්කාරක ඔස්ට්‍රේලියානු ‘ඒ‘ […]
  • කණ්ඩායම් දෙකක් ජය පෙනි පෙනී පරදියි
     ශ්‍රී ලංකා ක්‍රිකට් ආයතනය මෙහෙය වන ප්‍රධාන අන්තර් සමාජ එක්දින ක්‍රිකට් තරගාවලියේ අද පැවැති තවත් තරග පහක් අතුරින් තරග දෙකක් ඉතාමත් තියුණු මුහුණුවරකින් පසුව නිමාවට පත්විණි. උණුසුම් මුහුණුවරක් […]
  • ලෝක කුසලානෙට පෙරසූදානම හෙට සිට ඇරඹෙයි
    ශ්‍රී ලංකාව සහ බංග්ලාදේශය අතර තරග 3 කින් සමන්විත විස්සයි-20 තරගාවලිය හෙට (10 දා) පල්ලේකැලේ ජාත්‍යන්තර ක්‍රීඩාංගණයේදී ආරම්භ වේ. මෙය ද්වීපාර්ශ්වික තරගාවලියක් වුවත් ශ්‍රී ලංකාවට මෙම තරගාවලියේ ඇති […]
  • නායකත්වයේ හා පුහුණු කාර්ය මණ්ඩලයේ කැපවීම අපේ සාර්ථකත්වය හේතුවයි – කුසල් මෙන්ඩිස්
    ශ්‍රී ලංකා ක්‍රිකට් පිලේ නායකත්වයේ හා පුහුණු කාර්ය මණ්ඩලයේ සහයෝගයත් කැපවීමත් හේතුවෙන් එක්දින පිල දිනෙන් දින සාර්ථකත්වයට පත්වෙමින් ඇති බව කුසල් මෙන්ඩිස් පැවැසීය. ශ්‍රී ලංකා එක්දින කණ්ඩායම ගෙවී […]

Pin It on Pinterest

LKR Sri Lankan rupee