දින 2ක විවේකයකින් පසුව අද පැවැත්වීමට නියමිතව තිබූ වයස අවුරුදු 23 න් පහළ විස්සයි-20 කාන්තා ක්‍රිකට් තරගාවලිය යටතේ වූ තවත් තරග 2 ක් වර්ෂාව හේතුවෙන් එකම හෝ පන්දුවක් නොයවා අතහැර දැමීමට විනිසුරුවරුන්ට සිදුවිය.

ගාල්ල ජාත්‍යන්තර ක්‍රිකට් ක්‍රීඩාංගණයේ පැවැත්වීමට නියමිතව තිබූ මෙම තරග දෙක අතහැර දැමීමත් සමඟ තරගාවලියේ ප්‍රසාද ලකුණු සටහන කියැවුණේ තරග 3 කදී එක් ජයක් සමඟින් දල ලකුණු ලබා ගැනීමේ සාමාන්‍ය 3.05 ක් රඳවා තබාගෙන සිටින කොළඹ කණ්ඩායම පළමු ස්ථානයේ රැඳෙමිනි. දඹුල්ල කණ්ඩායම මුහුණ දුන් තරග 3 න් 1 ක් තරගයක් දිනා දල ලකුණු 0.7 ක් ලබා එම සටහනේ දෙවැනි ස්ථානයේ පසුවන්නේය.  මෙතෙක් තරග 3 කට බැගින් ක්‍රීඩා කර ඇති ගාල්ල සහ කැන්ඩි කණ්ඩායම් තවමත් එක් ජයග්‍රහණයක් හො ලබා නොමැති බැවින් ඔවුන් එම සටනේ පිළිවෙලින් තෙවැනි හා සිව්වැනි ස්ථාන වල පසුවෙති.