ජූලි සහ අගෝස්තු මසදී සුදු පන්දුවෙන් කෙරෙන ක්රිකට් තරගාවලි 2 ක් සඳහා ශ්රී ලංකාවට පැමිණෙනෙ ඉන්දීය ක්රිකට් කණ්ඩායමට එරෙහි තරගාවලියේ තරග පැවැත්වෙන දිනයන්හි සංශෝධනයක් සිදුකර තිබේ.
පන්දුවාර විස්සයි-20 තරග 3 ක් සහ එක්දින තරග 3 ක් ඇතුළත් මෙම තරගාවලියේ මූලික කාලසටහනට අනුව තරගාවලිය ආරම්භය සිදුවීමට යෙදී තිබුණේ ජූනි මස 26 වැනිදා වුවත් නව කාලසටහනට අනුව පළමු විස්සයි-20 තරගය ජූලි 27 වැනිදා පල්ලේකැලේ ජාත්යන්තර ක්රීඩාංගණයේදී ආරම්භ වනු ඇත. දෙවැනි තරගය ජූලි 28 ත් තෙවැනි තරගය ජූලි 30 ත් පැවැත්වෙනු ඇත.
ජූලි මස 22 වැනිදා ශ්රී ලංකාවට පැමිණීමට නියමිත ඉන්දීය කණ්ඩායම එම විස්සයි-20 තරගාවලියෙන් අනතුරුව තරග වදිනු ලබන තරග 3 කින් සමන්විත එක්දින තරගාවලියද මූලික කාලසටහනට වඩා දිනයක් පසුපසට ගොස් තිබේ.
ඒ අනුව පළමු එක්දින තරගය අගෝස්තු 02 වැනිදා ද දෙවැනි තරගය අගෝස්තු 04 වැනිදාත් තෙවැනි තරගය අගෝස්තු 07 වැනිදාත් කොළඹ ආර්. ප්රේමදාස ක්රීඩාංගණයේදී පැවැත්වෙනු ඇත.
| දිනය | තරගය | වේලාව | ක්රීඩාංගණය |
| ජූලි 27 | පළමු විස්සයි-20 තරගය | ප.ව. 7.00 | පල්ලේකැලේ |
| ජූලි 28 | දෙවැනි විස්සයි-20 තරගය | ප.ව. 7.00 | පල්ලෙකැලේ |
| ජූලි 30 | තෙවැනි විස්සයි-20 තරගය | ප.ව. 7.00 | පල්ලෙකැලේ |
| අගෝස්තු 02 | පළමු එක්දින තරගය | ප.ව. 2.30 | ආර්. ප්රේමදාස |
| අගෝස්තු 04 | දෙවැනි එක්දින තරගය | ප.ව. 2.30 | ආර්. ප්රේමදාස |
| අගෝස්තු 07 | තෙවැනි එක්දින තරගය | ප.ව. 2.30 | ආර්. ප්රේමදාස |
